اكتشفت بأنها أُجبرت على الزواج مني!

السلام عليكم ورحمه الله وبركاته اتمني من حضراتكم عرض مشكلتي انا رجل مقيم بدوله غير بلدي من اجل العمل لكي احسن دخلي بإذن الله الحمد لله ربنا كرمنا وقدرت اكون نفسي شويه ونزلت اجازه علي بلدي وبدأت في البحث عن شريكه حياتي الحمد لحد ما ربنا كرمني وخطبت قعدت معاها ايام خطوبه 15 يوم فقط ورجعت الي عملي وبدأت كل اللي بيني وبين خطيبتي تليفون فقط حدثت مشاكل كتير جدا لكن ربنا اذن ان الجواز يتم وفعلا نزلت واتجوزت قعدت معاها شهرين جواز وبعدين رجعت الي عملي دايما انا اسأل عليها هي لا تفكر في نهائيا اكتشفت ان اهلها اجبروها علي الزواج مني وانها مش بتحبني ومش عايزه تكمل والحمد لله علي كل شئ المشكله حاليا عندي. انها حامل وبعد ما عرفت انها مجبروه علي الزواج مني لا اتحمل انها تكون علي زمتي مع العلم اني سألتها كتير جدا قبل الزواج انتي في احد اجبرك علي الزواج مني او انتي عايزه تكملي معايا ولا لا لم اسمع منها غير انها عايزه تكمل وكمان مبسوطه معايا يا مش حابب اطول علي حضراتكم اكتر من كدا ممكن بعد اذنكم انسب حل لي وربنا يوفق الجميع