أحمل أمي سبب إنطوائي وضعفي وتفكيري في الانتحار

مرحبا انا بدي تلائولي حل ... انا وأخواتي بنعاني من مشكله مع إمي ...بتكرهنا كثير ولا عمرها ضمتنا ولا حسستنا انها قريبه منا وع طول معصبه مننا وبتبهدلنا ع الطالعه والنازله ..ومع انه كلنا معنا دراسات عليا وكل حدا بيعرفنا بيحمد فينا بس ليش مش عاجبينها بعرفش . وبابا بيقمع فينا وع طول مسافر ... مع انه كثير أقارب لالنا بيحكوا لالنا ياريتكم بناتي ... ولأنه انا وأخواتي خايفين نعمل مع بناتنا وولادنا بالمستقبل هيك حرمنا الزواج ع حالنا ... وأمي بتعصب أكتر شيء علي وع اختي الأصغر مني ... وفي يوم عصبت وحكتلي ياريتها سمعت كلام الدكتور وما جابتني بس خاطرت بحياتها وجابتني .... وامي من النوع المزاجي بتعصب مره وبتطقيش حدا ومره تكون مبسوطه وتعاملنا منيح ... وبتميز بين الذكور والإناث .... ولا بتزكر لحظات قضيتها معها ومع بابا ... كثير كنت بجيب الأولى ع الكليه بالجامعه وبظلني استنى فيهم ع باب الكليه انهم راح يجيوا يفرحوا ببنتهم ولكن عبث .ولما حد يسألني وين أهلك بصير اتحجج انهم مسافرين وإجتماعات الأهالي وكتير شغلات ... ولما نحكيلهم احكوا معنا تعالوا إحضروا مناسباتنا بحكولنا واثقين فيكم ... بس إشي ومنه كمان والله شي بقهر هاد قلة إهتمام مش ثقة .. وكثير شغلات .... ع طول بتحكيلنا ظلكم لحالكم حتى بلحظات مرضي كانت تجيب من اقاربي ليروح معي ع المستشفى ... كثير بتجيني لحظات بكرها فيها وما بطيقها ومرات بحبها وع كلا الحالتين بساعدها وبشتغل معها والله انا باره فيها ... وانا بحملها سبب نفسيتي وإنطوائي وضعفي وجبني وعقدي من الناس وتفكيري بالإنتحار ... لكن بظلها إمي وبخاف لا سمح الله افقدها لانها الأمان إلي ... شو أعمل دلوني