حماتي معطّلة حياتي ومتسلّطة

انا رح اطول شوي انا حبيت شخص من كل ئلبي وهو حبني وكنا عايشين بنفس البلد وانا علاقتي باهلي كتير ممتازه يعني اهلي متفهمين جدا عملت ئعده لامي وابي وصارحتهم ابي اتفهم كتير وسالني من وين هو ومين هو وسال عنو وعن عيلته ...الخ المهم اهلي عرفو انو منيح كتير فحكالي بابا بنحكي معو وبنتفق عشان يكون الاشي واضح حبيبي كتير انبسط لما عرف وانصدم بنفس الوئت لانو هم طباعهم شديده مش زي اهلي ما اتوقعش بس حكا مع اهلي وحكالهم انا بدي ياها وانا بتعلم بالجامعه حكالو بابا انا بنتي صغيره وانت بالجامعه رح اعطيك اربع سنين تخلص دراستك وتئوم عرجيلك وتيجي تخطبها ازا كان في نصيب من هون لاربع سنين المهم كنت دايما اخكي معو ويحكي معي ومع اهلي واتغيرت حياتي كلها من موقف صار مشاكل معو وراح اتغرب مع امو وما ئدر يرجع بالمره بس ضل مصر بدو ياني بس باابا غير رايه حكالو انا اتفئت معك عاساس انت عنا اما انا بغربش بنتي وانا كتير زعلت وانئهرت وحاربت مشانو غير انو وضع اهلي المادي ممتاز جدا جدا فوء الريح وهو لما اتغرب اتمرمط ووضعو المادي صار سيء جدا جدا جدا بس انا وياه حبنا كان يزيد ويزيد وحاربت الكل وهو كمان كان يحكي لاهله ازا ما بتجوزها ما بتجوز غيرها وانا نفس الشي ضلينا نقنع فيهم واقتنعو اهلي ولاخر لحظه حكولي انتي بتغلطي ما رديت عحدا واتجوزت وكان متشرط علي جوزي انو حماتي تعيش معنا انا ما كان عندي مانع ابدا بالعكس انبسطت كتير لاني بحبها كتير واتجوزت وعشت مع حبيبي ببيت واحد وكنت مبسوطه بعدين بلشت تفرء معي وبلشت احس بالعربه واشتاق لاهلي وابكي كل يوم بسري انا بحب اهلي وبحب جوزي وكانو اهلي يزوروني دائما عشان يخففو عني وحماتي عاشت معي وهون بلشت المصايب تهل علي داري كانت صغيره كتييير غرفه وصالون ومطبخ وحمام وكلهم مفتوحين عبعض بس كنت مضطره اصبر لانو جوزي وضعو صعب كتير وحماتي كانت اولها تحبني بس كنت الاحظ عليها شغلات واطنش صارت الامور تكبر يعني ما اعرف البس ئدام حماتي انا بالنسبه الي عادي لو لست واتشيكت وحماتي معنا ما فيها شي عادي لو اطئمت بس هي كانت تنجن بس تشوفني متمكيجه ولابسه كل ما ازبط حالي تئلب علي وعجوزي وكل يوم مشاكل ونكد وبدها ياني خدامه مع اني والله كنت مدلله عند اهلي والكاسه ممنوع اشيلها بس راعيت اني الصغيره بالبيت ولازم احترمها وما ئصرت وربي شاهد علي تمرض اطعميها واجبلها دواها وازكرها بالدوا ومع هيك ادخل اجيب شي ارجع اسمها بتسب علي مع انها بكامل قواها العقليه وصحتها منيحه وصارت عنجد مفكرتني خدامه تئلي اعملي وجيبي وحطي وشيلي واتضل تعبي براس جوزي بطلنا نطيق بعض ولما نتمشكل تنبسط ترتاح ما اتهنيت ومع هيك عمرها ما طلعت مني وحكيت لجوزي ما بدي ياها ببيتي مع العلم انو جوزي الصغير في اخوه غيره بس هي بترتاح عنا معاملتهم الها بالمره ولادها ونسوانهم بس بنئهر كلهم بعاملوها بسوء وبتخاف منهم وانا عشان بحترمها وبقدرها بتضل تسب علي وتنكد علي غير انو جوزي وضعو المادي سيء وانا بطلع عحالي بنئهر وين كنت ووين صرت اتفه الشغلات الصغيره بابا كان يجبلي ياها من تحت الارض وكان ما يئصر معي وجوزي كمان حرام ما بئضر بالمره بحاول ئد ما يئدر بس انا ما برضى اطلب اشي بئول ما بدي اضغط عليه واهلي حرام كل ما يجي بنزلزلي نوائص البيت نزلولي تلاجه وغساله وفرن كل ما ينزلو ما بئصرو بس جوزي بتحس بنفسه وبابا بئلو هاي بنتي انا ازا ما جبت لبنتي لمين بدي جيب وبعطوني اصرف وحماتي صارت محسستني انو فرض لازم اتضل تحكيلي خلي اهﻻك يجبولك خلي اهلك يشمموكي هوا اخر اشي انا عصبت حكيتلها انا عندي زلمه يصرف علي وهاساس انو جوزي مجبور فيني والله نفسيتي زي العمى انئلبت حياتي كلو من ايدي انا بعرف انا بحب جوزي كتير كتير وهو بحبني كمان حرام وبنحاول نصلح حياتنا مش زابطه معنا وحماتي موئفه بوجهنا بكلشي ومنكده عيشتي غير انها بتكزب علساني وبتحكي حكي انا ما حكيتو وبتتبلاني انا واهلي عشان جوزي يكرهنا وبتعمل عمايل لو اعد من هون لبكره ما بخلص والله تعبت بعرف انو ما في حل لهالئصه بس حببيت افش غلي طولت كتير بس عنجد الاشي كتير ماثر علي حلها انو اترك جوزي وما فيني اتركه لانو بحبه ومتاكده انو بحبني وبينا بنت بيبي ولو اهلي يعرفو الي بصير معي ما بخلوني ولا دئيئه لهيك خايفه احكي ما بدي الامور تكبر