هذه رسالة مني لكم كي لا تخدعكم المظاهر

انا سيده في الستين من عمري تزوجت من رجل يعمل خارج مصر وانا كنت اعمل في سفارة وبعد الزواج سافرت الي زوجي وقدمت استقاله من عملي وكل الناس كانت تشهد ان زوجي رجل محترم حتي السيجارة لا يشربها ويصلي الفرض فانا فبلت الزواج لهذه الاسباب ولكن بعد سفري بيوم واحد لقيت زوجي كانه شخص ثاني قام بتوبيخي لاني فتحت ضلفه الدولاب علي الاخر وثاني يوم بساله علي شيء قالي ليس من حقك السؤال في شيء مايخصك ولقيته سبلي بالدين ومد ايده عليا وكل ما اتكلم معاه يروح حادفني باي حاجه قدامه وينزل شغله الصباح الساعه 6 وبعد كده يروح لاصحابه العزاب يجلس عندهم للساعه 11 بالليل وفي الوقت ده اكون انا قاعده لوحدي في بلد غريبه معرفش اي حد فيها والباب مقفول عليا بالمفتاح والمفتاح معاه هو ولما ييجي مايتكلمش معايا ويدخل ينام ولو اتكلمت معاه كلمه بهيني ويضربني واصبحت في سجن واي سجن سجن انفرادي وبقيت اقول يمكن ربنا بيخلص مني زنوب انا عملتها وبعد كده نزلت بلدي في اجازة وماكتتش بقول لاهلي اي حاجه وكنت ببين اني سعيده ومبسوطهوارجع تاني اسافر واول ما اقابل زوجي قلبي ينقبض من الخوف والحمد لله رزقت بولد وبنت في الغربه مع اني كنت عليشه اسود ايام حياتي مع شخص لاعنده دين ولا اخلاق وافقدني الثقه في نفسي وبقي يتهمني لالجهل مع ان شهادتي اكبر من شهادته المهم شفت المر وبعد كده نزلت مصر عشان ادخل الولاد مدرسه في مصر وبدا هو يريل مصاريف للولاد ولو يوم اشتكيتله في التليفوم اني تعبانه او اي حاجه من ناحيه الولاد يسبني بافظع الشتايم ويقفل التليفون وميبعتليش فلوس لمده ست شهور وفي المده دي ابقي بستلف ومش عارفه اعمل ايه بعد ماسبت شغلي وكان ليا وضعي قدام اهلي وقدام الناس وفضلت علي هذا الوضعاد عيالي ماكبروا ودخلوا كليات القمه وكان البيت هادي وماكنتش محسسه ولادي بحاجه خالص مع اني يوميا كنت ببات مقهورة ودمعتي علي خدي وفجاه قرر النزول نهاءي لمصر ونزل وقعد معانا والبيت الهادي ده اصبح فوضي وبعد ماكان محدش في العمارة سامع لنا صوت اصبحنا طول النهار زعيق وسب دين وتكسير ورزع ابواب ولو جه حد من اهلي بقي يتهمني اتهامات باطله ويسب اولاده ويتهمهم بالفشل مع ان ناس كتير تتمني اولادها يكونوا زي اولادي وبقي يمد ايده علي ابني الكبير اللي اطول منه ويهينه قدام اصحابه واصبحت انا في جحيم لا يطاق وانا ببعت الرساله دي عشان ماتخدوش الناس بالمظاهر يعني انا اول ما قلولي مش بيشرب سجاير قولت ده يبقي انسان كويس لكن ده غلط اسالوا عليه شوفوا اهله شوفوا شوفوا تربيته شوفوا تعامل اخوانه مع زوجاتهم مش مهم الفلوس