زوجي شكاك وأعيش معه تحت التهديد

مشكلتى ليست حديثه العهد لن انكر ولكن بدءت تظهر ملامحها منذ الخطوبة فأنا كنت اكثر ما أريده شخص متدين يحافظ عليا ويعاملنى معامله الرجل المسلم المتدين وفعلا عندما تقدم لخطبتى شعرت بتدينه ولكنه كان احيانا كثير يتعصب وأحيانا أحس انه بيشك ف كلامى أو تصرفاتى بالرغم أنى مكنتش بعمل أى حاجه تخليه يعمل كدا وكنت دائماً أقول لما نتجوز ويعاشرنى هيعرف أنى مش الإنسانه إللى يشك فيها ولكن بعد الجواز استمر شكه ف كل تصرف أو فعل ورفض من اول جوازنا أنى اخرج مع أى حد غيره. حتى مع اهلى او أهله وقفلى الفيس بوك وكل برامج الموبايل دى الوتس وغيرها علشان موقف حصل وهو كان الغلطان وعلشان اتحجج بالبيت ولازم نحافظ عليه واى حاجه تهده بلاش منها وانا وافقته علشان اعرفه أنى خايفه عليه وع البيت ومبقتش اخرج غير معاه وممكن أفضل ف البيت أسبوعين ميشوفش الشارع ومعنديش أى طريقه تواصل غير التليفون أكلم اهلى ودايما يرجع يقلب ف الموبايل ويشوف عملت أيه ودا بيدايقنى جدا واتخانقت معاه كتير بس يقولى بثق فيكى لكن إللى حواليكى لا وبعد سنتين من جوازنا وربنا رزقنا ببنت سافر والمشكله زادت مع السفر لانى بقيت أكلمه ع الوتس أو غيره لو لقه ظهور ليا وهو قافل ممكن يعمل خناقه كبيره وميصدقش غير لما اعمل سكرين شوت وطبعا مفيش خروج غير للضرورة القصوى ويكون معايا حد المشكلة أنى راضيه بكل دا علشان بحبه وعلشان البيت وبنتنا بس هو بقى أى مشكله ولو صغيره يا يهدد بالطلاق يا يقولى انتى مبقتيش عيزانى وبتعملى كدا علشان اسيبك وانا حاسه أنى مهدده طول الوقت .... اعمل ايه