زوجي يزعجني بكذبه الأبيض ومفاجآته الغير منتهية

مشكلتي مع زوجي كذبه الابيضبيحب يحول كل شي لمفاجأه لدرجه صرت انزعج من الموضوع كتير .. وكل مره بمشيها وبسكت لانه كتير بحبه وبعرف انه ما إله غايه مو منيحه من هالشي.انا عايشه بمحافظه واهلي وبيت حماي بمحافظه تانيه وكتير شغله بطره ينزل على المحافظه الي همه فيها وخصوصا نهاية الاسبوع .. اغلب الاحيان بقنعيني انه مو راجع عالبيت ورح ينزل ينام ببيت اهله .. ما بحس الا بدق عالباب.. انا عارفه انه هالشي مو من باب الشك او شي سئ.. بس لانه بعرف انه بنزعج لما ينام برا البيت بحب يفاجئني..طبعا هاد موقف من المواقف الشي المزعج اكتر انه كتير من الاحيان بيكون حاكيلي انه بده يعمل شي او يروح مشوار معين او او وانا بناءا على كلامه لما حد يسألني عنه بجاوب وبنحط بموقف انه انا كذابه بس انا ما بكذب ولا بحب الكذب اصلا وبجاوب بناءا على كلامه اخر موقف انه اقنعني امبارح انه ابن جيرانا بده يجيب هديه لامه من محل معين وانه نحنا بدنا نكفله وقصه غير شكل ألفها .. وبعدها اطلعت انا وجارتي مشوار ولما ارجعت عالبيت لقيت انه هالشي شاريه النا لبيتنا وحاب يعملي مفاجأه .. انا مقدره كل شي وما بنكر انه منيح كتير وبحبني.. بس هالشي حطنا بدين جديد وقسط جديد لشي نحنا مو بحاجه اله وظروفنا الماديه تعبانه جدا .. انا زعلت منه وتخانقت معه ومش عارفه كيف افهمه انه لازم يبطل هالعاده ومو كل شي بزبط يكون مفاجأه وانه في اشياء لازم تاخد رأيي فيها.انا جدا اسفه على الإطاله بس من حرة قلبي