زوجي خلوق ومحترم ولكنه لا يصلي

السلام عليكم انا متزوجة من دكتور صيدلى هو إنسان جميل جدا وذوق ومحترم جدا وكتير بيحبنى وبيخاف عليا وبيهتم بيا ومابيحرمنى من شئ وكريم معى ويساعدنى كثيرا ف شغل المنزل وليس عصبى ولاينفعل ولايرفع صوته عليا ابدا هو كتير حنين وبكون انا الغلطانه وبيجى هو يصالحنى ومابيقدر على زعلى وبيحب اهلى كتير وبيكرمهم جدا زوجى فيه كل الصفات الحلوه ذكى ومثقف ومحترم وذوق واخلاق وكل شئ الحمد لله بس فى شئ واحد بس اللى بيضايقنى انه مابيحافظ ع صلاته يعنى مره يصلى ومره لا وانا لما أقوله مابيرضى ويقول خلاص اذا نصحتينى مره خلاص كفايه فبطلت اقوله بس هو كتير بيصلى ف المسجد وهو راجع من الشغل بس يضل بالبيت مايصلى وأوقات اشوفه يصلى ف البيت بفرح كتير ومرات تانيه لا وانا بضايق وبقوله يصلى علشان بحبه وبخاف عليه الموضوع ده تاعبنى جدا ومش عارفه اعمل ايه نفسى يصلى كل وقت بوقته وف المسجد اعمل ايه معاه عايزه نصائح وحلول وجزاكم الله خيرا