أكره وجوده في البيت ويسبب لي الاكتئاب

أنا زوجه من 6 سنوات ولدى طفلين ، مشكلتى إنى للأسف معنديش سند ابويا من ساعه ما اتجوزت مهما جوزى عمل عمره ما لامه والا وقف فى وشه وده خلا جوزى يستضعفنى ، و يخلينى اخر همه فى كل شئ حتى طلبات بيتى آخر همه كل همه عيلته وبس وبيتعمد يجرحنى قدامهم وهما بيحاولوا يلطفوا الامور و يقولولى معلش هزار تقيل شويه ، تفاصيل مشاكلى معاه كتير جداا وصعب تتخطى دايما غير الهم والبوز و الاستخسار فيا بس اهم ما فيها الحرمان العاطفى ، وكسر الخاطر ، عمره ما قالى كلمه طيبه والا شكرنى مهما اعمل مع العلم و بشهاده الجميع انا زوجه وأم سوبر و علاقتى بأهله كويسه الحمد لله إنما هو لا ، إللى تاعبنى إنى بدأت اكره وجوده فى البيت ، وبقى وجوده بيسبب لى اكتئاب ، اعمل ايه وانا حاسه ان عمرى بيضيع فى النكد والغم ومعنديش بديل علشان ولادى ، حلوها ارجوكم.