كيف أرجع ثقتي في زوجي؟

كتبت مشكلتي في السابق وأشكر من ساعدني .. مجملها بعد ١٩ سنه قررنا استقرار فيلدي لأكثر من سنتين لدخول أولادي للجامعه وتركت زوجي في عمله في الغربه لسد احتياجات ومصاريف أولاده مع شعوره بالفراغ وطبعا عدم الالتزام الكامل عمل علاقات ع ألنت مع ٢ وف الواقع لكن (موصلتش للكبائر يعني علاقات افتراضيه ) منهم ارمله دامت علاقته بيها سنين واُخرى متزوجه... وهددته وهددت الساقطات اللي محادثاتهم عندي مفيش فايده بلغت أهل المتزوجة عدا زوجها قلت اديها فرصه الستر والتوبه والأرملة بلغت بنتها بعد ما أنذرتها وكل ماسافر له ألاقي مازال بقيه دام العلاقة بينا قاب قوسين أو أدني لااااااااكن الأولاد .كمان بلغت اخته الكبيرة حاليا الأمور مستقره وأصبح اكثر التزام داخلي شروخ ممكن تتعالج مع الوقت لكن بسألكم :::--- كيف أرجع ثقتي فيه اللي انعدمت و من كتر تكرار الخيبات فقد مصداقيته عندي ؟؟ وكيف ارجع مشاعر انكسرت داخلنا ؟؟ وهل ينفع نكون سند لبعض في عمرنا دا ولا حيكون مصيري المزيد من الخذلان وهل بعد ماتطاولنا على بعض وطلبت الانفصال مرات عديدة وهيأت نفسي له ممكن يرجع الاحترام بينا من جديد ؟؟حاليا صابره وعايشه عشان بناتي وكنت يستميت في منعه ان لايدق بيوت الناس خوفا علي بناتي سمعت كتيير قصص أزواج خائنين //هل عدم الوفاء والخيانه في تكوين الرجال وفي جيناتهم ؟؟ولا انا اللي صادفت معايا !!وهل حقا ان الرجال اذا شبعوا حب واهتمام بيعتبروه خنقه وبيقابلوا الحب بالنكران؟واللي يتملك زوجه صالحه وجميله وفيها كل المواصفات اللي تجعله يشبع ويكتفي ومع ذلك دايم عنيه فارغه ايه السبب ؟ أتمنى تردوا على أسئلتي وشكرا جزيلا لكم للعقول الواعيه والأراء المثقلة علم وتجارب