10 سنوات وأنا بدوامة المشاكل

مرحبا ,انا ست متزوجة من عشر سنين كان عمري ٢٥ سنة من شخص اكبر مني ١٩سنة قبلت فيه لان كنت طالعة من علاقة فاشلة ودخل هوي على حياتي بالوقت الغلط يعني اتعلقت فيه بشخصيتو وهوي كان شخص معروف بمكانتو ومركزو ومحبوب عند الناس لقيت رفض من كل العيلة وتحديت كل العيلة كرمالو والمهم بعد ماتزوجت وسافرت معه على بلد تاني بلشت المشاكل طلع شخص عصبي جداً متسلط مابيعرف شو بدو عشر سنين وانا عايشة بدوامة المشاكل عند اي مشكلة اول كلمة بقلي انت غبية وشوفي فلانة وشوفي النسوان كيف بيتعاملو وكيف بيحكو وكيف وكيف ةللعلم انا كنت مدرسة قبل الزواج وجميلة جداً ومرغوبة كنت بس الدنيا نصيب تعلقت بزوجي .منتزاعل شهر ومنتراضى اسبوع قدام الناس انا كتير مبسوطين وبس نفوت على البيت بيشل كل واحد منا القناع ومنرجع لطبيعتنا للنقد والتجريح واي محل او جمعة منكون فيها بس نرجع على البيت ببلش النقد ماكان لازم تقولي هيك وهي بيكون الكلام جداً عادي المهم ينقد .حكينا كتير انا وهوي وحاولنا نحل المشاكل بس عبس مني ومنو هوي بيحط الحق علي وانا المسببة وانا بقولوا انت اللي عم توصلني لهون والمشكلة الاسى بيناتنا عم يزيد والمشاكل عم تكتر كل يوم حتى قدام الولاد عندي ولدين وهلق عم يقلي انا اخد الولاد وروح عيش عند اخوتي اخد شقة حواليهم ،اخوتي عايشين ببلد اوروبي مابعرف اذا هوي الحل الانسب لان طلاق مابدي كرمال مايتعذبو ولادي والمشكلة الاكبر انا عم شوف كل يوم فرق العمر بيناتنا كل مابطلع بوجهو هوي بعالم وانا بعالم حتى احيانا شهر مابيصير شي بيناتنا وهالشي كمان عم يدايقني اكتر لان ماضل عندي رغبة باي شي من كتر المشاكل بتمنى تساعدوني لارتاح واعرف ربي ولادي صح لان الدنيا مسودة بعيوني وللعلم انا اهلي خبروا بمشاكلنا وحتى اهلو بس محدا قدر يأثر عليه بعتذر على الاطالة بس الحكي على قد الوجع