هل تنصحوني أذهب لبيت أهلي لحل مشكلتي مع زوجي؟

انا متزوجه لي 7 اشهر تقريبا وحامل ،، مشكلتي مع زوجي ، انه من اتزوجت وانا ساكته عن اشياء كثيرة ، واتنازلت عن كثير بسبب ظروفه المادية ولانه اغلب الوقت كان عاطل عن العمل ، حتى شقتي امه اثثتها له ، الله يشهد حتى السوق ماكنت انزله ولا اطلبه شي غير الاكل ،، طول هالشهور كنت ادعسله ربي يرزقه بوظيفه ويعوضني ،، وربي رزقه بوظيفه فمدينة غير مدينتنا اللي كنا فيها ، واصحاب العمل اعطونا شقه مفرشه بسعر رمزي الشقه عباره عن غرفة نوم وحده بس وصاله وصغيره جدا جدا ، لدرجة المطبخ متر في متر ، والاثاث كان سيء ،، وافقت مع العلم انه راتبه عالي يقدر يخليه يستاجر افضل منها بكثير ، لكن رضيت لان اجارها رمزي، المشكله مو هنا المشكله انه طلبت منه اقلها نغير الاثاث لانه سئ جدا وعتيق ورفض ، واثاثي اللي كان بشقتي امه باعته بدون تاخد شوري ، واخدت فلوسه ،، وانا استاءت منه ومن رده مع انه قالي ايام الملكخ بعوضك ، وقبل يتوظف كان يقولي انا قصرت معاك من اتوظف اعوضك لارحت ولا جيت ولاسافرت من جيت ، لما رفض زعلت لكن سكت واستسلمت لان حملي صعب ولا أبغى ادخل بناقشات عقيمه معاه ،، الحين ،،مشكلتي انه طلبت منه قبل كم يوم انه ابدا اجهز للبيبي ،، وكل مارحت محل قال غالي ، مع انه انا والله رحت بوقت تخفيضات ، والمحلات اسعارها معقوله من 30 ريال واقل ، وهو راتبه عالي جدا ،، كنت انتظر هاليوم اللي اقضي قعسه لولدي لكن كسر فرحتي ويقولي من زين ولدك انا اشتري له من حراج الملابس ، متخيلين اقوله يحتاج بانيو وسرير يقولي روشيه بقدر ،، ايش يكون انتظرت منه يعوضني بعد مايتوظف لكن صدمني بكلامه. ، مع العلم اني من قبل احمل مايبغاني احمل ولما حملت ماحسيت انه فرح ،وكان يقول انا أبغى ولد يعني ماراح يتحمل لو بنت كأن بيدي دا الشيوكنت ادعي انه يطلع ولد بس علشان قلت ممكن يتعلق فيه والحمدلله ربي ماخيب رجاي وطلع ولد لكن ماحسه مهتم ومستكثر علينا كل شي وفلوسه والله ضايعه باشياء تافهه لدرجة انه بيشتري قارب بس علي وعلى ضناه يسمعني كلام يجرح ،، خلاني اكره اني حملت بعد ماكنت أتمنى احمل من قبل اتزوج ،، كان يقولي ترى الحليب غالي رضعيه طبيعي ولما حملت يقول حملك وقته غلط وقته ازمه لان كان مو موظف وقتهابكيت الف مره من احساسي بالوجع همه بس اشتري رخيص ،، وهمه المصاريف ،، واي شي غير الاكل ماعنده استعداد يدفع فيه ،، لنا الآن 3 ايام مقاطعين بعض وانا انام بغرفة تانيه وهجرته ،، لان خلاص حسيت انه طفحت ولما قالي ولدي انا اشتريله من الحراج انا لاول مره من اتزوجت رفعت صوتي عليه ،، واتفجرت وطلعت كل اللي بنفسي لان كنت كتومه مره ،، فاتفجرت بالمره وقلتله انه انت بس يهمك الرخيص مايهمك اللي يريح ضناك ،، انت لو ماتشتغل تروح تشتغل تاكسي بس علشان ماتنقص على ضناك شي ،، مو عاد كسوه ،، وقلتله خليني انا لاتعطيني انت تشوف اني ماستاهل وولدك طيب ?? ،، فلوسك أولى فيها هو ولا انه تشتري قارب ، عمرك مافكرت في الاحسن لنا دايم تدور الرخيص واغلب الاحيان ماتجيب احتياجاتي ،، الا بالاكل ،، قلتله عمري مانزلت سوق من اتزوجت اي مناسبه مرت علي كنت البس من جهازي ،، البنات من ثاني شهر ينزلون ويقضون ،، وانت كل شي عندك مو مهم ومو ضروري أبغى خلاط للبصل ب 70 ريال ماله داعي تاثيث بيت ماله داعي شغاله تجي مره بالشهر ب 100 ريال ماله داعي مع انه وضع حملي خطير وحرج والدكتوره منبهتني وطلبت مني الراحه التامه ،، اني اخرج واشم هوا ماله داعي ،، كسوة لي للعيد ماله داعي ،، اغراض ولدك ماله داعي ،، قام قالي رجعي فلوس الدراسه وخديها اشتري فيها انتي وولدك كسوة ،، للعلم هو دفع فلوس دراستي ترم واحد بس الفين ريال يقول انا مو مجبور ادفعلك ،، قلت لو محتاج مانت مجبور لكنك قادر ماديا ، قال لا مو مجبور ،، واللي زيك متخرج ،، والمفروض تدخلي حاجه حكومي بس لاانك فاشله ،، وجرحني بكلامه مع العلم انه اتزوجني وانا كنت ادرس ويدري اني ماكملت لاني كنت ارعى والدي كان مقعد ،، وانا ماكذبت عليه وشرطت بعقد الزواج اني اكمل دراستي وهو وافق ،، لكن يقول لي دحين ماكنت ادري انه بفلوس ،، قلتله انا صبرت عليك لانك قلت بتعوضني لو ادري انك بتسكتي فبيت كدا وانت قادر والله ماخدك قالي انتي سطحيه وتفكيرك سطحي انا لو ادري انك كدا كان ماخدتك قلت ايوه لما اطالب بحقوقي صرت سطحيه لانك تبغاني اسكت وماطلب اي شي اكل وأنام وبس قلتله دام كدا ليش مخليني معاك ،، قالي انه اتورط فيني خلاص قلت بالله عليك نزلني لأهلي ومن اولد ورقتي توصلني روح عيش حياتك ولا عاد تتزوج قبل ماتتعلم انه الزواج مسوولية قال طيب بنزلك لاهلك مستوعبين كل دا ليش علشان لاول مره لاول مره من اتزوجت بغيت منه كسوة لي للعيد ولان بطني كبرت وملابسي ضاقت ،، وولده كمان ملابس ،، ماتتخيلون قد ايش خذلني وحطمني ،، كنت أحلم اكون حامل والله وكنت اقول بفرح وبعيش دي اللحظه ،، لكن هو كرهني بحملي ،، لاحسيت بولدي يتحرك حسيت بغصه وكسرة بنفسي منه ،،المهم انه عايش دور الزعلان ومخاصمني انا من البداية نمت بغرفه تانيه ، بس امس ماهان علي اني صرخت وهو رجال ورحت اعتذرت قلتله اني اتسف على صوتي العالي ، بس اللي طلبته من حقي وماقدر اعتذر عنه او اتنازل ،، قالي طيب يلا بنام اطلعي وسكري الباب ،، انا ندمت اني اعتذرت ورحت له ،، كملت ونمت بغرفه تانيه هي المستودع فيها سرير ،، وطول اليوم مانكلم بعض وانا ان قابلته علشان هو يجلس بالصاله وانا اتفرج تلفزيون ومافي مكان غيره ،، بس اغلب وقتي بالغرفه واقفل الباب ،، ولا اعطيه اي اهتمام ،، ومع اني اعتذرت لكن مكمل بزعله ،، ومايكلمني وانا مستحيل ارجع اروح له لان المره الأولى ندمت اللي أبغى نصيحتكم فيه ،، اروح بيت اهلي انا نفسيتي جدا تعبانه منه جدااو ادخل اهلي واقولهم عن تقصيره معاي او اكلم امه ،. او مادخل احد واروح بيت اهلي واقوله لو معترف بحقوقي رجعني ،. واذا مو معترف انا ماحتنازل وكل مين يروح بطريق ،، انا مابغاه يتمادى ويحرمني حتى من الاكل الشي الوحيد اللي شاطر فيه ،، انا تعبت من تقصيره وكلامه لي وعلى حملي وعلى ولده ،،