زوجي بخيل جداً خاصةً معي

السلام عليكم ورحمه الله عندي مشكله وياليت احد يساعدني فيها المشكله هي في زوجي زوجي إنسان يخاف يدفع الريال في شي يخصني معنا والله مااطلب منه أشياء كثيره غير الواجبة بعطيكم امثله مثل مقاضي البيت اذا رحت معه السوبر ماركت يجن جنونه يصير شخص ثاني ابي اخذ شي لا لاتاخذينه هذا حق ايش وشو تستعملينه فيه لا مو حلو خذي أشياء أساسيه يقههههر مره يعني بس يبني اخذ وجبه الغدا والعشا بسسسس ولاتزيدين شي وحتى العشا برجر وساندويش بس وطبعاً لازم يشوف السعر أرخص شي ياخذه هذا بنسبه لمقاضي البيت طبعا نسيت اقول لكم انه اساسا هو مايقضي للبيت يعني قبل ثلاجتي فااااااضيه بس فيها طابق بيض بسسسس بس تدخل ابوي وابوه وصار كذا يعني يعتبر تحسن شوي والله اني اذا رحت بيت اهلي انقهر أتمنى اني ماتزوجت لانه ابوي ماعمره قصر علينا بشي هذا من ناحيه المقاضي من ناحيه الكسوه طبعا كان هذا اول شتا لي معاه لانه تو متزوجين اخذت تقريباً ٩شهور كنت اموت من البرد ماعندي لا دفايه ولا ملابس شتويه ولا شي والله اني البس ملابسي الصيفيه اكثر من قطعه عشان ادفى وهو ولا هامه شي اقوله ي فلان ابي ملابس وكأنه مايسمع ابدا الروح الكليه اتجمد البنات يعطوني من جكتاتهم تخيلو انه وصلت لهذي المرحه من بعد انا الي كان لبسي احسن لبس صرت كذا البنات يعطوني والله مره مقهههههوره طبعاً هذا وانا حامل بعد ولا همه شي وغير انه كان يضربني بس الحمدالله ماقلت لأحد من اهلي بس هو فضح نفسه تخيلو على تحملي له في يوم انفجرت فيه وقلت له كل الي بقلبي راح وعلم ابوي علي اني رفعت صوتي عليه وجا ابوي بيهاىشني عاد هنا انفجرت وقلت لابوي كل شي وأبوي تفاهم معه بس ابوي طيب مره مابرد خاطري فيه ازبده انا الي حل لبخله هذا وهو ماشاءالله عنده خير واهله عندهم خير بس يخاف على الريال وهذا انا الحين ابي اجهز لطفلي لأَنِّي في الأشهر الاخيرة وهو مو مهتم ولا شرا لي اي شي وانا من بدايه حملي اقوله بس مافي فايده تكفون ابي حل لاهذا البخل والخوف من الدفع ترا بس لي انا مايحب يشتري لي ولا اهله وربعه لا يشتري لهم افخهم الهدايه واذا عزمهم مايجيب الا من أفخم المطاعم وأحسن الحلويات والمكسرات