زوجي ضربني ويهددني بالقتل وحياتي معه أشبه بالموت البطيء

انا متجوزه بقالى اربع سنين معايه 3اطفال للأسف مشكلتى مع جوزى واهله مش بيحبونى كان اول متجوزت فضلت 6شهور فى نكد لحد يوم كنت حامل وقلقت عليه جدا كلمته وقولتله انت فين قالى انا شغال وقفل فوشى السكه ولما جه مان مدايق اوى كلمه منه كلمه منى شدينا قبل بعض قام ضربنى بالجزمه اسفه يعنى لحد مجسمى ازرق وبعدين جاب السكينه حطها على رقبتى وقالى هموتك وشالها وقام ماشى خدت هدومى وروحت عند اهلى وقولتله انى ماشيه قالى بالسلامه مشيت اهلى متحملوش انى مضروبه بالمنظر ده خدونى عملوا فيه بلاغ فالمركز ورفعنا قضيه والقضيه اتحكم فيها ب6شهور سجن وانا كنت ولدت بنت محدش عبرنى طول الست شهور لحد متحكم عليه وكان هيتسجن بعت ليه ناس عشان يصالحونى بس اهلى رفضوا المهم رجعت واهلى خاصمونى بسببه كتير وكنت حملت تانى رغم انى كنت باخد وسيله وعشان ضغطى عالى للاسف منفعش الجنين ينزل وهو زى ماهو كل يوم يضربنى واقول لأهله يقولولى انتى قليله الادب وفيوم اخته كانت واقفه وضربنى وقالى يابنت الكلب 3مرات روحت رديت وقولتله انت اهله خاصمونى وكل ماجى داخله البيت يقفله فوشى الباب واروح اقول ليهم انا عملت فيكوا ايه ميردوش عليه ويسيبونى ويدخلوا ومش بيصرف عليه ولا على ولاده بيقول مش معاه فلوس وبيجيب لنفسه كل حاجه الا انا وولادى وكل يوم يقولى مش عاوزك واهلى بيقولولى عيشى عشان ولادك يااما تطلقى وتسيبى ولاده اعمل ايه بس ياريت من غير اسم