زوجي مسافر وحماتي تختلق المشاكل

مشكلتي بسيطة جدا من وجة نظر البعض ولكن لم يشعر بها إلا من عاشها انا ما زلت لم اتجاوز الواحد والعشرين من عمري متزوجة منذ عامين وليس معي اطفال زوجي يسافر بالخارج لم ينزل إجازة غير شهر واحد بالسنة لذلك أشعر دائما بالوحدة مش عارفة أعيش حياتي ولا سني أحب زوجي كثيرا وهو يحبني أعلم أنه متأثر بسبب فراقنا عن بعض ولكن لم أعد أتحمل العيش بدونه أريد ان أشعر اني متزوجة ولي بيت مستقل خاص بي مسؤلة عنه أعيش كما اهوي انا وزوجي وليس كما تهوي حماتي منذ أن سافر وانا معهم اعمل كل شغل البيت رغم أني لسه في الدراسة حماتي تريدني تحت رجلها لا اطلع شقتي ولا اروح لأهلي فكرت في أن أعيش عند أهلي في فترة سفره أو اقعد يومين مع حماتي ويومين عند أهلي ولكن أهل زوجي رفضوا لكي أفضل لخدمتهم علي الرغم من ان أخوات زوجي متجوزين وكل واحد في معيشة لوحده بسبب خلافات حصلت مع مراتتهم وحماتي كل واحدة مقدرتش تكمل مع حماتي وسبتها وقعدت لوحدها انا مش عايزة اسيبها لكن عايزة شوية حرية كل ما أكلم جوزي يقولي معلشي استحملى وانا مستحملة علشانة بس مفيش تقدير اشتغل كل يوم شغل البيت كله ولو يوم نزلت بس الساعة 9 تزعقلي فكرت كتير اني اقعد لوحدي بس بترجع تاني متهونش عليا هي مش مقدرة اني لوحدي ومحتاجة لجوزي اكتر منها ولو طلعت كلمت جوزي يوم اجازته وتركت أي حاجة معملتش تطلع تنادي وتزعقلي وتقولي هو انتي هتقعدي تكلميه ونسيب شغلنا هي مش مقدرة انه لوحده هو كمان حتي لما نزل إجازة كنت ممكن بعد يوم كده اتاخرت علي ما نزلت تقعد تقول كلام مش كويس انا محتارة مش عارفة اعمل ايه وجوزي مش بيرضي يقولها حاجة علشان متزعلش وانا كمان اللي بخليه ميقولهاش حاجة ويزعلها بس مش قادرة أتحمل اكتر مش عارفة اعمل ايه واسفة جدا علي الإطالة