كل مشاكلي مع زوجي بسبب سلفاتي وبناتهن

السلام عليكم انا متزوجه من ثلاث عشرة سنة ولدي ولد وبنت عندي مشاكل من ناحيت أخوات زوجي ونسوان اخواتو مرا تهمتني سلفتي بشي انا والله ماني عاملتو وأجا زوجها وسلفي لكبير حلفوني عل مصحف انا ماني عارفي والله لشو بدن يحلفوني وجابو المصحف وكان زوجي وأختي وزوجها وولاد سلفي ما حسنت احلف بدي اعرف لشو بدي احلف ولا بحياتي نحطيت بهيك موقف وزوجي يومتا ماحكا اشي وتاني يوم راح سهر عندي سلفي ولا كأن في اشي وكلون سلافي كانو يسمعوني كلام وانا ما أحكام لاهلي ولا اجيب سيري احكي معليش بس ازعل وانقهر من جوا قلبي وكل مشاكلي انا وزوجي من تحت رأس سلافي وسلفاني وبناتن كل ما احكي اشي عنون والله هني يكونو غلطانين أو اسمع كلام هني حاكينو عني زوجي يزعل أو يصير مشكله كبيرة بيناتنا أو يضربني ويجرحني بكلامو ليش ما بدافع عني انا مائلي كرامة عندو يدافع عني ويحكي معن ليش هيك بتعملو بزوجتي والله انا تعبت كرهني بلحياة زوجي وانا غريبه ومتغربة وأهلي متغربين شو اعمل ومرات كنت شوف على جوالو كتير شفتو بيخوني والله مع بنات واتهاوش انا وياه ومابخليني احكي اشي كلو الحكي لالو مابحب حدا يغلبو بلحكي بحسسني هوي الصح بكل اشي وانا الغلط انا مليت والله ازا بدي أطلق وين اروح وأهلي كلن متغربين بسبب الحرب يلي ببلادنا وعندي بنت عمرها 13 سنه وابني 8 شو اعمل انا تعباني والله يأساني من حياتي بسبب أخوات زوجي ونسوانون ومعاملت زوجي وصفو معون