زوجي مريض نفسي وأنا تعبت من هذا الوضع

السلام عليكمانا عندي مشكله اني انفصلت عن زوجي من 3سنوات وكان عندي منه بنت سنتين وقتها والسبب انه كان عايز يتزوج الثانيه ومصمم علي طلاقي لانها مش هتقدر تكون زوجه تانيه وقهرني وقتها لاني عملت كل حاجه علشان نستمر سوا واهله وقفوا قصادي وقالولي سيبيه الطلاق حلال ربنا ومابصوش للطفله الصغيره وحياتها ورجعت بيت اهلي ببنتي لانه رفض يجبلي مسكن وكان بيبعت مصاريف للبنت بس لما انا اللي اطلب يعني كنت بحس بالذل وفعلا تزوج وعمل كل ماتتخيلوه للزوجه دي وكتب مؤخر كبير وقايمه وشبكه مع انها مطلقه وكان عارفها عليا حوالي شهرين قبل الطلاق وبنته كان بيقعد بالشهر مايشوفهاش وبعدها حصل خلافات بينهم بعد 9 شهور وطلقها بعد لما اخدت كل حقوقها كامله وبهدلته فضل بعدها فتره سمعت انه حاول يخطب بس اغلب الناس كانوا بيخافوا علي بناتهم وعلي فكره انا وانا معاه فتره جوازنا 3 سنين عرف عليا اكتر من واحده فترات طويله ومعرفش العلاقه كانت بتوصل لايه بس هو طبع ويغير طبعا كل شويه الباسورد فونه وممنوع اسأله ليه او اقرب منه ولما كنت بكلم اهله كانوا يقولولي غيري من نفسك وشوفي نقصه ايه ودايما كنت بحاول بس لوحدي لانه مش شايفني غير تحكمات اهله في كل كبيره وصغيره في حياتنا تقرببا ميقدرش ياخد قرار من غيرهم وكنت ساكته..بعد سنه من طلاقه والدته كلمتني تحاول ترجعنا لبعض وتضغط عليا علشان ارجع من غير ضمانات وفعلا اثرت عليا وقالتلي اشتري ابو بنتك وعمره ماهينسي وقفتك جنبه ووقفت قدام كل العيله والناس وسبت شغلي علشانه ورجعنا في بيت العيله المره دي في شقه صغيره وحاولت اقف جنبه اننا نبدء من الصفر ونكون نفسنا مع انه اهله مرتاحين جداااا وهما اللي جوزوه وطلقوه في المرتين من فلوسهم واللي اتجوزها كان ماجرلها شقه بره علشان كانت في مشاكل دائمه مع مامته واهله ولما رجعنا قالي مش هقدر ءأجر بره وانا وافقت بشكل مؤقت لانه عنده شقه بره لسه بتتبني في مكان بعيد شويه فقالي خلال سنه هيوضبها ونسكن فيها وفعلا رجعنا في بيت العيله وحملت من الشهر الاول هو في الاول كان فرحان لكن بعدها تصرفاته اتغيرت وبقي عدواني في كل تصرفاته ومامته ماكانتش فرحانه بالحمل وبعد شهر رجع تاني يعمل باسورد للموبيل وحسيت انه بيكلم حد وكلمت مامته قالتلي هي كمان شاكه فيه وطول السنه اللي كان معاها كان بيكلم حد وهي غلبت معاه ووديته لاستشاري نفسي اكتر من مره من غير فايده وقعدت تبكي وتقولي ابني مريض نفسي ومش بيحس باللي بيعملوا واستحملي وربنا يهديه وهو مش عايز واحده تقوله حاضر ونعم وتتقي ربنا فيه عايز واحده قويه تمشيه قولتلها انا مش كده انا مش بحب المشاكل وعايزه اعيش مرتاحه فضلنا كده مده 4 شهور وطلعنا عمره وهناك حاول بردوا يتعرف علي واحده بغرض الزواج والموضوع منفعش وانكر ولما رجعنا حصلت مشكله بسيطه بينا واتطورت انه ضربني وانا حامل قدام بنتي بالأقلام علي وشي ضرب مبرح ومامته جت وهدت الدنيا ودي اول مره كنت احس فعلا اني متهانه واختي الكبيره جت واتكلمت معاهم لاني والدي كبير ومريض ومعنديش اخوات رجاله وفضلت من وقتها حاسه انه بيكلم حد تاني وسكت لغايه رمضان وواجهته قالي ايوه في واحده بحبها وهتجوزها ومش هستغني عنها قولتلوا خلاص سيبني بالمعروف قالي لا مفيش طلاق وعندك المحاكم وبعدها والدته كلمتها وحكتلها قالتي اكسبي موقف وقوليلوا انا معاك ومش هسيبك في كل الاحوال وفعلا عملت كده اتعامل كويس في الاول وبعدها فضل يكلمها في البيت ويتعامل بتجاهل وبجاحه في الموضوع لغايه مافاض بيا وقولتلوا لو هتتجوزها مش هكمل معاك وسيبني بالمعروف ضربني بالبكوسه في وشي وجسمي وخنقني من رقبتي وقعد يدعي عليا قولتلوا حرام عليك ده انا حامل في السادس ومابقلناش غير 6 شهور راجعين ورجعت تعرف عليا وتحب وانا محرومه من المعامله الطيبه والكلمه الكويسه بما يرضي الله سيبني اعيش حياتي قالي تبقي راميه عينك علي حد قولتلوا شكرا وفضلنا كده طول رمضان ووصلت للعروسه وعرفتها كل حاجه عنه بامانه قالتلي خلاص هقفل الموضوع بعدها لقيتها كلمته وقالتلوا علي كل كلمه قولتهالها بس انا ماخفتش لاني مافترتش عليه وكمان مامته واخواته قالولوا علي كل كبيره وصغيره كنت بكلمهم فيها مع انهم والله دايما يقولولي انه مريض نفسي وربنا هيبتليه بمرض لو مارجعش عن عمايله بس طبعا دلوقت انا بقيت وحشه وجه علينا العيد واكتشفت انه اهله علي اتصال بالعروسه واهلها وموافقين ومامته بتقولي عيشي في بيت العيله لعيالك وسيبيه يعيش حياته وفكري مع ان مامته المره الاولي قالتلي الطلاق حلال ربنا وابعدي عنه ووافقي علي الطلاق لكن المره دي علشان الطلاق مش في مصلحته بتقولي عيشي واسكتي خصوصا ان العروسه منفصله وعندها 3 ولاد وبتشتغل يعني مش هتنفع تبقي زوجه كامله شديت معاها جامد عليه وقولتلها حرام عليكم اضيع عمري جنبه ونفسيتي اتدمرت بسببه وانتي عارفه انه هو في وفي وفي وكنت علي اخري منها هي طبعا اخدت الكلام وصلته لابنها كله واحنا دلوقت مفيش تعامل نهائي بينا وطبعا في ناس بتحاول تهديني علشان البيت والعيال وناس حاسين بالنر اللي جوايا وبيقولولي اهم حاجه راحتك وانا دلوقت حامل في التامن وتعبت جدا ومش هينفع اعيش معاهم تاني في بيت واحد وهو مش هيبقبل يجبلي مكان بره ومصمم علي الجواز وهما مش هيسيبوني في حالي في البيت وانا مش هقدر استحمل الوضع ده واهلي بيقولولي ياتجيبي بنتك وتولدي هنا وتربي عيالك وخلاص ياتتحملي للاخر وانا منهاره بس بحاول اكون قويه قدامه مع العلم هو عنده30 عام وانا 27 عام يعني دي رابع جوازه ليه في السن ده..ولو ممكن تدعولي لاني خايفه من كل حاجه وتايهه وطبعا بصلي استخاره وبدعي كتير وفي تفاصيل كتير في النص معلش طولت عليكم