بعد كل الذي حصل بيننا يطلبون مني أن أسامحها!

السلام عليكماعذروني لان المشكله طويله وعشان تحكمو فيها صح لازم تعرفو التفاصيل كلها جوز اخي شخص قليل الادب بمعنى الكلمه بيشتم افظع شتائم وبيسب الدين وبيحلف بالطلاق فالصح والغلط وهو محامي وقبل جواز اختي منه امي نصحتها انه مش كويس وانها تفكر تاني لان طبعه مش حلو ومش هيتغير لكن اختي صممت عالجواز منه وقالت انه هيهدى بعد الجواز وبعد سنه بدات المشاكل وضربه ليها ومشاكل مع ابويا وامي ويخليها تقطعنا ومتكلمناش عشان احنا هنخرب عليها وعايزين نطلقها انا باحاول اختصر لان ديه نبذة عن الشخص اللي بسببه بتحصل مشاكل كتير المشاكل اتحلت الي مكانش ليها اساس واختي اختارت تفضل معاه وعدت سنين كان فيها كويس لكن خلال الفتره ديه مبطلش اهانه ولا ضرب فيها كان كلامها معانا كده ان لما بتحصل مشكله بيمد ايده عليها وبيشتمها وديه طبيعته من سنه بالظبط كان جوزي عايز يشتري ارض فابويا وامي كان دايما نفسهم ان اجوازنا يتجمعو ف استثمار لان ف اعتقادهم ان ده هيخلي الاخوات يقربو اكتر فلما جوزي قرر يشتري ارض قال لجواز اخواتي الاتنين ورحبو بالموضوع وكان جوزي هو الي دور عالارض وكان بينزل كل يوم الصبح ويرجع اخر اليوم لحد ما لاقى ارض كويسه وبدا هو يتفاوض مع اصحاب الارض وبدا يحاول ينزل ف السعر لمصلحه الكل وبالفعل تم الاتفاق على السعر وتم الاتفاق على كتابه العقد وفاليومين دول بدا جوز اختي المحامي الي اتكلمت عنه فوق يتعصب ويتكلم باسلوب مش كويس لان اصحاب الارض كانو اتاخرو فالرد وكانت اختي تقول لجوزي معلش استحمله خلي الموضوع يخلص كلنا هنستفيد ونكون عملنا حاجه لمستقبلنا والدي فالفتره ديه تعب وعمل عمليه المراره وفي يوم جوزي وجوز اختي جم عند ابويا وامي البيت وقعدو يتكلمو وكان جوز اختي بيتكلم بصوت عالي وبطريقه مش كويسه وبيقول لجوزي انا مش محتاج الارض انا قلت اشتريها عشان اساعدك لكن انا مش محتاجها طبعا الكللام استفز جوزي فقام شد معاه وخبطه ف صدره راح ابويا زعل وقالهم انهم كده محترموش وجوده جوز اخي نزل وجوزي بما يرضي ربنا راح باس ايد وراس ابويا قاله حقك عليا بس انت شفت كان بيتكلم ازاي تاني يوم اختي المفروض كانت تيجي مجتش ولا اتصلت عرفنا انه منعها تيجي نفس اليوم ده باليل الساعه 1 اختي اتصلت وقالت لامي متصلتوش تعتزروه لجوزي ليه امي قالتها احنا مزعلنهوش وكنا برة ولسه جاين طبعا كان جوزها جنبها قالها اعتبري ابوكي وامك ماتو قوللهم كده راحت اختي قاللتها انا اعتبرتكو موتو طبعا الصدمه الي حصلتلنا كلنا من الكلمه شبه كلنا منمناش جه تاني يوم كنت مسافره قبل ما امشي بساعتين اختي اتصلت وقالت جوزها جاي يضرب جوزي طبعا ابويا وامي اتخضو وخافو ليجي وتحصل حاجه جوزي قالي مش هيجي ده جبان هو بيعلي صوته بس مش مش هيقدر يعمل حاجه وفعلا مجاش وسافرنا عدى شهر وكان رمضان اختي اتصلت مره بامي ومره بابويا وخلاص وجه العيد تالت يوم العيد اتصلت قالتلهم الحقوني جوزي هيطلقني ابويا كان رافض ينزل بس امي قالتلوه مقدرش اسيبها وفعلا نزلو واختي ساكنه ف بيت اهل جوزها يعني ابوه وامه فالدور الي تحتها ابويا وامي دخلو عندهم وقالولهم الي حصل ابوه قاله مالناش دعوة منكم ليه وطلع ابويا وامي شقه اختي ومجرد مافتحلهم الباب وقفلوه وراهم نزل شتايم فيهم انهم معتذروش ليه وبقالهم شهر سيبينه وابويا كان معاه العصايه الي بيتسند بيها ع رجله تعباه خدها وضربهم بيها اهله طلعو ع صوت الصراخ بتعهم ونزلو غرقانين ف دمهم ومضروبين ورفضو يعملو اي اجراء قانوني لان ابويا قال لاختي انزلي معايا هتعيش بعد الي حصل قالتلوه اه هاعيش فطبعا مخدوش اي اجراء لانها عنده ومعاه و قبلت تعيش انا من وقت ما قالتلهم انا اعتبرت ابويا وامي ماتو وانا اعتبرت اختي ماتت وخاصه بعد الي جوزها عملو فيهم وفضلت سنه منعرفش عنها حاجه وكلمتهم من فتره بس بعد تدخل ناس من اقاربنا والناس ديه ادخلت بعد ما امي كانت هتسافر عشان اختي تعبانه هيا كلمت ابويا وامي وهما سمحوها وكان مفيش حاجه حصلت وملتمسين ليها العذر ع هيا ضعيفه وجوزها قوي وانها مش بتقدر عليههما دلوقتي عيزيني اكلمها وبيقولولي هيا ملهاش ذنب انا مش قادره اكلمها ولا عايزه اكلمها ودايما حاسه ان بيني وبين جوزها طار ابويا واميانا كده غلطانه اختي كلمتها وبتقولي هيا غلبانه وبتقولي كده انتي بتقطعي الرحم معاها وانا مش عندي اي استعدادا اكلمها وباعتبرها مش موجوده لانها كانت عارفه الي هيحصل لابوها وامها وكلمتهم وخلتهم يروحولهاانا ربنا يعلم بالي حصلي نفسيا بعد الي حصل لابويا وامي ومش هانسى ولا هالتمسلها العذر انا غلطانه ف كده انا ساعات مبنمش من التفكير فالي حصل وانها قادرة تعيش معاه بعد الي عملهاسفه للاطاله وشكرا جزيلا