أكره زوجي وأشعر أني أعيش في سجن

السلام عليكم انا بتشكركم كثير على هدا الموقع .انا فتاة اتعرفت على شاب يشتغل معي في نفس الشركه بس هو كان اقل مني رتبه و كمان مو دارس كتير و اصغر مني بتلات سنوات كنت في الاول بعطف عليه لين اطورت علاقتنا و اتزوجنا و انا و اهلي ساعدناه كتير ماديا و معنويا و صبرت على كل شي معو صحيح هو انسان حنون و طيب و بيحبني كتير بس مشكلتو انو عصبي و بنتخانك داؤما ازا بدي اروح عند اهلي كل مره نفس المشكله لين صارت مشكله كبيره و اتخانقنا و استغل عدم وجودي بالبيت و اخد كل العفش و بيت النوم و تركلي البيت فاضي انا لما ارجعت انصدمت و اجاني اهيار عصبي مو مصدقه انو الانسان الي صبرت و ضحيت معو يطلع منو كل هيدا . على فكره انا عندي منو بنت عندها سنتين . واملي راحو عند اهلو يستفسرو بس الي صار بس هما ما عطوهم اي اهتمام كانهم موافقين على عمايل ابنهم المهم بعد فتره اجو عندنا البت عشان يعتدرو و هو طلب اني اسامحه بس انا رفضت و كنت خلاص ناويه على الطلاق بس بعد تفكير عطيتو فرصه عشان خاطر بنتي و رجعنا و رجع كل اثاث البيت و رجعنا لبيتنا بس هو ماتغير نفس المشكله عندو ما بيحب اطلع من البيت و انا اتخنقت لاطلعه و لا روحه حتى اهلي بيحاسبني ليش اروح عندهم مرتين بالاسبوع و ازا بدي اطلع لازم اطلع معو ونرجع بسرعه انا حاسه بخالي مسجونه انا و بنتي حاولت احكي معو بهدوء و افهمه انو الدنيا صيف و انا بحب اجتمع مع اهلي مادام ما بطلع كتير و لا بسافر و لا بروح من خقي اشوف اهلي اكتر من مره بالاسبوع مع العلم انو بابا رجال كبير و مريض . حاولت معز من غير فايده كل مره بتنتهي بخناقه كبيره و انا اتعبت شو اعمل معو حتى اني بدات اكرهو . و اسفه اني طولت عليكم.