حياتي مليئ بالحزن بسبب معاملة زوجي القاسية

السلام عليكم انامتزوجه منذ ٨سنوات زوجي بالبدايه مايرفض لي طلب مشاكلنا كانت بسبب تدخلات اهله في الويكند لما نجي عندهم ونقل زوجي عندهم اخر سنتين لما نقلنا زادت المشاكل ولايجلس معي ولانقاش ولاشي واكتشفت حياتي كلها عند امه وابوه ويتشكى مني في كل شي اصبح لايعطيني مصروفا وكل شي يقولي لا ويقول انا دلعتك مره وكنت مخليك ع كيفك شكواه مني كلها ليش اصارخ ليش لساني طويل شكى لاختي لامي اابوي واخر شي اشتكى لابوه منعته من الفراش لانه هو الرابط الوحيد بيننا مابيننا ولاشي وانفجر وراح لاهله يشكي ويكذب علي ماتبغاكم وتكرهكم ولاجيت بضيفكم ترفض ولسانها طويل ومقصره بحقوقي وانا اعطيها والكلام هذا كله كذب بكذب واجهني عمي قلته كل المشاكل سببها مايعطيني فلوس ومقصر في بيته وعياله مايجيب لهم مرات حتى الفسحه لازم كل يوم انق ع راسه هات صامولي هات خبز هات عصير وموكل ماقلت يجيب طلعت روحي منه ابوه وقف معاي وقال يجيب لك وهو مو رجال واذا رفض قولي لي وهذا هو رافض يجيب لي بروح جارتي وطلعاتي يقول لا واعزم كمان لا وغلطان يحط الغلط مني وكذاب وفوق هذا موسسه ومحل باسمي وراتبه عالي وكل ماله يبخل ويقصر اكثر اسناني تعبانه مارضى يصلحها يقولي اسجدي شكر لله كل يوم لان ربي ماكتب اني اتزوج عليك كم مره حاولت وابوي يرفض وماتتم مافيه عذر ابدا او حل يذلني ع كل شي لازم انذل قبل اخذه لو بسكوت اوشوكليت مايجيبه من اول مره مدري ليش صابره وساكته والمشكله اسامحه ع كل عملاته ويجي ياخذ حقه مني والله مدري تهت عاملاه بلين ودلع مانفع وعاملته بعين حمرا مانفع وطنشته مانفع وكمان اهتميت فيه مانفع معي اطفال وهذا اللي مخليني ماسكه بيتي واخر تفكيري الطلاق ؟؟؟ابي حل لاني تعبت منه نقاش مايناقشني اتكلم اتكلم اتكلم مايرد واذا انفجرت بعد كم يوم راح يشكي لاهله مني وعذره يقول ماتسمع لي طيب انت ماتكلمت معي عشان اسمعك تعبت نفسيا جسديا لاطلعات ولافلوس وكذب والحيوانات تتالف قبل الجنس فمابالكم احنا بشر يعاملني بكل هالقسوه والسوء ولسان سليط وانتقاد وانا ماقصرت بشي بيته وعياله وفراشه ونفس المعامله ماتتغير ويجي ياخذ حاجته مني ويبي حب بالفراش واعطي من قلب،، انا قاعده انهار من الداخل وقلبي كل يوم يسامحه وابي معامله زين ومايقصر معي ويدلعني ع الاقل رجال يكلمني احس بوجوده؟؟مهتمه بشكلي وبكل شي طباخه ولسان وصوت واخلاق وعيال وكل شي تمام واه بس اريد حلا ؟؟؟