مللت من غموض زوجي وكتمانه

سلام .. مشكلتي اتمنى تساعدوني فيها انا عمري 30 وزوجي عمره 50 مطلق .. وعندي ولدين تزوجت منذ 3 سنوات قبلت به لظروف وهي انو اهلي قاسيين .. تفاجات بعد الزواج انو زوجي مب طبيعي وكل فتره تعدي انصدم اكثر .. انسان انطواءي حزين 24 ساعه يفكر وقاعد مع نفسه ويلوم نفسه على مواقف مااضيه وتافهه مرهق ومتعب دائما وعيونو حمراء وتدمع ! يوسوس بكل شيء ويشك في كل اللي حواليه ويضن الناس تراقبه ويقول انه مسحور .. ماعنده اقبال على الحياه ولا يستمتع باي شيء ومايحب يطور من نفسه ومهمل لشكله وملابسه مايغيرها اغسل ملابسه واجهزها امامه عشان يلبسها يرفض مايغيرها الا يوم الجمعه .. ريحته وع مايفرش اسنانه اذا قرب مني استفرغ حتى اني رفضت العلاقه معه وقلت له بصراحه انو ريحتك كريهه وما اقدر اعطيك .. لحتى تتغير وتهتم بريحتك بس ماتغير .. وبعد يرفض يشتري لنا الا الاكل وغيره يعتبره مب ضروري ومن الكماليات الاثاث رث والاواني قليله وحاجات كثير ناقصتنا ويرفض يجيبها ... وكل شوي يقول بنموت وهذه الدنيا قصيره ووو الين صرت محبطه منه .. جاب لي الهم والكابه خصوصا انو متقاعد وقاعد بالبيت البيت صار كئيب اذا طلع من البيت ارتاح نفسيا .. وساكنين بشقه اجار واحس ماعنده قدره يسوي لنا بيت انسان ضعييف مرره ومهزوز وحتى اني ما احس معه بامان ولا اعتمد عليه انسان رث .. تمنيت اني جلست تحت ظلم ابي وزوجته ولا تزوجت هذا الانسان المريض .. حاولت يذهب لطبيب نفسي رفضض واخبرت اهله ومافي فايده .. هو طيب ويصلي ومايعتدي علي ولكن الحياة مع هكذا انسان صعبه جدا خصوصا اني صرت اتعب نفسيا واخاف اصير مثله .. وايضا لا يعطيني مصروف ولا سوق ولا نزهه ولا اي شيء .. واذا طلعنا مثلا المستشفى وشاف سياره ماره قال هذا يراقب ويجلس يتمتم ويقول يراقبوني .. كتوم مايتكلم ومافهمته ابد انسان غامض وليس طبيعي ارشدوني والله مليت من هالحياة