بنظر أهلي وأهله الطلاق هو حلنا الوحيد

في مشاكل بيني وبين زوجي ومرات بتوصل للشيطان الرجيم ما في بيت مافيه مشاكل بس كل ماتحصل مشكلة اهلي بيضلوا يزنوا على راسي علشان اطلق انا وزوجي بنحب بعض جدا جدا وهما مش شايفين هالشي فاكرين اني اخدت زوجي لمجرد ان عنده فلوس ولما وقع انا ساعدته بفلوسي وهو مش مقصر علي في مشاكل بينه وبين اهلي انا انسانة طيبة ومسالمة ماليش في المشاكل اهل زوجي نفس الاسلوب اهلي كل شي عندهم لازم ليه تفسير ان زوجي انتقد شي مثلا بيقولوا انه اتدخل فيهم ان قدم نصيحة بيقوله انه اتدخل فيهم دايما عندهم انا لازم اترك زوجي واطلق دايما حاسين باني عايشة مهانة ومذلولة عند زوجي لاني بشتغل وبساعده دايما حاسين ان زوجي ماسك علي ممسك لاني لليوم معاه ومتمسكة فيه ماحدا حاسس باني بحبه ماحدا حاسس فيني انا وبنتي مفكرين باني لو اتطلقت رح ارتاح بس اللي هيرتاح فعلا هما مش انا مو حرام احرم بنت عمرها سنتين من ابوها مافي بيت مابتصير مشاكل ومع هيك مكملين حياتهم بحب قسما بالله انا وزوجي مو بس بنحب بعض احنا بنعشق بعض ارجوكم افيدوني انا فعلا تعبت من الموضوع زوجي انسان طيب يمكن مرات ليه عيوب بس هو بالاخر اللي بقلبه علسانه وهاد شي مو دايما كويس ولا دايما عاطل بس بالاخر انا فعلا لو لفيت الدنيا مش هلاقي بحنيته وطيبته