تعيسة وأغار من كل زوجة سعيدة مع زوجها

السلام عليكم انا متزوجة لي خمس سنوات عمري ماحسيت بطعم الحياة الزوجية وحب الزوج لزوجها والعكس صرت اغار ( وليس حقد او حسد) أغار اذا شفت وحدة سعيدة مع زوجها وبيتها وأتمنى اعيش نفسهم آدري كل بيت فيه مشاكل بس انا اللي اتكلم عليه وصل الحال بيني وبين زوجي لدرجة الكره هو يكرهني وانا أكرهه عمره ماحبني ولا حبيته ومااقدر اتطلق اولا لان اهلي بعيدين عني وثانيا عندي طفلة انا مؤمنة بالقضاء والقدر والحمدلله لكن في نفسي شي يكسرني اذا شفت اختي او صديقتي مبسوطة في حياتها تجيني غصصصة مو حسد والله بس تحز في خاطري طول عمري كنت احلم بحياة فيها مودة واحترام وسكينة بس بيتي للأسف طول اليوم مشاكل وتتعالى الأصوات وتنتهي بالضرب والبكاء اقول ليه هذي سعيدة وانا لا ليه هذي تسافر وانا لا ليه هذي تشتري احلى الملابس وانا لا ليه هذي زوجها يجبلها هدايا وانا عمري ماشفت شي ليه هذي مايضربها زوجها مثلي ليه هذي ماتحس بالجوع عشان ماتحصل شي تاكله مثلي ليه هذي زوجها يصلي وخلوق وانا لا ليه هذي زوجها مثقف وجامعي وانا لا ليه انا تعيسة ليه انا ليه انا تعبت جدا وأريد الحل؟