ساعدوني فأنا خائفة على حياتي من بعد الطلاق

السلام عليكم .. انا عمري 27 سنه و زوجي 32 سنه و عندي طفل فالسابعه و ابنتي سته شهور .. من لما اتزوجت و مشاكلي ما تخلص و غالبا من الوضع المادي او زوجي و مزاجيته .. ليا اسبوعين المشاكل اشتدت اكتر و وصلت لدرجة اني كنت ابا اطعن نفسي لاني تعبت و بنفجر و حياتي من اسوء لاسوء بس عندي طفلين و اهلي رافضين اولادي يكونوا معايا اذا اتطلقت و باقي لي اصلن طلقه وحده بس و مو عارفه كيف اتصرف او ايشاسوي لاني ابغى اتطلق بس خايفه من حياتي بعذ الطلاق و في نفس الوقت انا مو طايقه زوجي نهائيا لانه غير انه حالته الماديه تحت الصفر و اهلي اللي بيصرفوا عليا و كمان نحنا اجانب يعني مو اي شي يمشي ع كيفي بعد الطلاق و من يومين خرج من البيت بملابسه و قاعده بس افكر بس مو قادره اقرر شي و زياده ع كدا انا كل ما دخلت معهد او ابغى اتعلم شي يمنعني ف وسط المشوار و ما يخليني اكمل ان كان تعليم او شغل و كلم اهلي قبل كم يوم يقولهم لا تعطوا بنتكم فلوس و هيه حرمتي و انا ع كيفي و اتخاصمت مع اهلي كمان .. اعصابي مرره تلفانه و ما نمت من كم يوم و لا اكلت و نفسيتي تعبانه عشان عيالي و عشان نفسي والله تعبت ما عاد فيني حيل اصبر او اتحمل اكتر مو عارفه ايش اسوي