أشعر بأن زوجي يحبني لشكلي فقط!

السلام عليكم مشكلتي يمكن تشوفونها بسيطه لكن زوجي جد جد يقهرني هو يحبني حيل لكن دايما احسه يبي يغير شخصيتي مثلا نطالع فلم يقول شخصيتها حلوه كفو صيري مثلها وكلا يقولي صيري كذا وصيري كذا واحيانا يجرحني بأطباعي يقول لي لاتصيرين كذا مو حلو يعني دايم احسه يبيني اتغير وينتقدني مره تسكر صوتي قال لي كلا تكلمي احس انه مو انتي صوتك صار حلو احس انك غير مو انتي وطاير فيني مستانس ومره يمدح شخصية اختي يقول ماشاء الله عليها كفو قويه وهذا الرجال يبي شخصيه كذا واليوم. تناقشت معاه هلشي قلتله لاتكرر علي قال طيب شوفي بعلمك اسلوب اتبعيه كم يوم وخل اشوف يصلح عليك والا ابيك تصيرين ثقيله حيل كأنك مديرة مدرسه االمهم قبل لايكمل كلامه قلت له هذا شخصيتي تقبلتها كان بها ماتقبلتها بلطقاق انا انسانه لي كياني وشخصيتي وحتى لو احبك مارح اغيرها عشانك وان الناس تنفر من الاشخاص اللي تحاول تغيرها،لمن ارد عليه كذا يقولي امزح ومادري شنو ويحس ان ماله داعي اتنرفز ولايحس بغلطه،احس انه معجب بشكلي فقط لاني جميله الحمدلله انا واثقه من نفسي وشخصيتي وانا جدا متفاؤله وطموحه ومرحه وماحب الروتين ابدا لكن يجرحني بكلامه ويقهرني احس انه هلشيء مايطمن