حاولت أن أكون قوية ولكن ماحدث أقوى

السلام عليكم عمري ٢٣ سنة ومتزوجة من سنتين ولم احمل بسبب مشكلة عندي وانا تمنيت من الشهر الاول الحمل وربنا ما اراد وكل الاطباء نصحوني باطفال الانابيب كأفضل حل ومن عمر صغير وزوجي ما كان يقبل والموضوع هاد مأثر علي كتير كتير لدرجة كبيره نفسي اكون ام وجربت ادوية وابر كتير وكل شهر ازور ٤ دكاتره واكتر لحتى اقنعت زوجي بالاخير نعمل اطفال الانابيب وبعد الارجاع بفتره فحصت عدة مرات وطلعت حامل وزوجي وانا فرحت كتير وللأسف ما كمل حملي بعد ما تأكدت بكم يوم نزلو الاجنة وانا انهرت يومين بس اول شي عملته احتسبت ربنا والحمدلله علىكل شي صراحة بكيت بس قدام زوجي وبعدها ما بينت لحد تاني اني متدايقة او حتى متأثرة بس صراحة كتير متأثرة قد ما بحاول اكون قوية واخد الموضوع عادي ومش اخر الدنيا بس حاسة حاسة الدنيا وقفت ومالي نفس اضحك ولا اجامل ولا اعمل شي وزوجي استحملني اسبوع وهلأ كتير صار جفا بيني وبينه بشوفني عادي بضحك وطبيعيه ووالله بعمل كل اللي بقدر عليه عشانه وما بدي يشوفني ضعيفه بس فجأة مزاجي بقلب وبرجع بسكت وبكتئب وانا ما بحب احكي مع حدا واشكي وافضفض ما بدي حد يحزن علي وحتى يعرف اني عندي مشكله انا حتى هاي العملية عملتها بس زوجي وانا بنعرف فيها .. وفضلاً ومش امر دعوة صغيره من اي حد رح تسعدني