زوجي غدر بي وتزوج الثانية

احب زوجي جدا جدا جدا فهو كل الرجال بالنسبه لي متزوجه من 16 سنه وعندي 36 سنه وزوجي 43ولدي 4 اطفال وبشهادة الجميع واولهم زوجي لاينقصني شئ الحمدلله ومهتمه بنفسي جدا ومهتمه به وبأولادي لاقصي الحدود اقدم له الحب دائما وابدا اتعامل معه كأبني الكبير المهم اكتشفت انه متزوج وعنده 3 اطفال انجبهم نتيجة زواج استمر 3 سنوات دون علمي اوعلم احد من اهله طبعا شعرت وقتها بأن الدنيا قد تهدمت فوق رأسي ورأس اولادي عمري ماشكيت انا جوزي يتجوز عليا بالرغم انه ليه علاقاته النسائيه بس كان اقصاه مكالمه تليفونيه اوشات فيس بوك او واتس المهم بمجرد معرفتي بزواجه قالي اطلقها فهيا انسانه دون المستوي فهيا مش من مستوايا الفكري ولا الاجتماعي وكانت مطلقه ولديها طفلين من زوجها الاول وتركتهم لوالدهم وفلاحه وغير مناسبه ليه نهائيا الرجل المرموق قضائيا المهم طلقها في لحظتها وكرر الطلاق ده 4 مرات شفوي ومرتين بورق عند مأزون وخدت كل حقوقها والتزمنا بمصاريف اولادها والايجار وكله المهم جوزي طبعا حاول يعوضني عن غدره بيا اللي ماكنتش متوقعاه انه يبقي الجزاء بعد كل العمر ده وتحمل صعوبات الحياه في بدايتها واخواته كمان وقفوااا ضده لانه عمل كده وقاطعوه وبرضه قاطعوني ليه معرفش واصرووو اننا نفضل كده ويرجع الزوجه الثانيه برضه علشان العيال بس طبعا انا مااقدرش اتحمل ان يكون فيه واحده تانيه وكان موضوع بقائها ده من المستحيلات بالنسبه ليا المهم انه طلق وهيا بترفض انه يشوف اولاده وحاولت كذا مره الاتصال بيه اوالوصول ليه بس هو كان رافضها نهائيا حتي من ورايا لانه بيقول ان اللي ربطه بيها ظروف معينه هو استحاله يكررها المهم الكلام ده من سنه واكتررر وانا بخليه يشوف اولاده دول في مدارسهم بدون رأيها دلوقتي انا مش عارفه اصفي لجوزي ولا ارجع طبيعيه جوايا وجع يهد الدنيا جوايا احساس بالغدر رهيب دايما بفكر في غدره بيا وانه ممكن يكرره واخواته حاليا عاوزين يرجعوووا يكلموه وانا مش عاوزه بعد موقفهم مني ومقاطعتي بدون سبب ومقاطعة ولادي وموقفهم المخزي مني وسلبيتهم معاه هو بيحلف انه استحاله يعمل حاجه زي كده تاني بس انا فكرة الأمان راحة مني خالص خالص وحلفته انه لو رجع عمل اي جديد هبقي طالق ومحرمه عليه وهو حلف علشان يرضيني اعيش معاه ازاي ولا اطلق واخليه يكلم اخواته ولا لا وانسي ازاى الغدر وبيع عشرة العمر