زوجي كذاب وحماتي متسلطة ماذا أفعل؟

السلام عليكم انا متزوجه من 3 سنوات وعندي طفله هي كل حياتي ..مشكلتي ان زوجي كذاب وبيعشق الكذب حتي علي الحاجه اللي متستاهلش وبيحب اللف والدوران وكل حاجه ليها مخرج عنده ومش بعرف امسك عليه حاجه كل حاجه عنده ليها رد الدرجه مبقتش احب اصلا اتكلم معاه ولا اجادله في اي حاجه اتغيرت وانطفيت بعد ماكنت انسانه مرحه وبحب الحياه ومببطلش ضحك كل اللي يقعد معايا شايفني اتغيرت كمان مرتبي كله بصرفه علي البيت ومش مضايقه المهم جوزي ميبقاش ليه فلوس لحد وهو دخله اقل مني وانا مستوي اهلي اعلي وماما دايما بتساعدني واحنا عايشين في بيت عيله وهي دي المشكله التانيه حماتي بتدخل في كل تفاصيل حياتي وياريت بااسلوب كويس باسلوب مقزز ومزعج جدا وانا بطبيعتي مش بعرف ارد علي حد بسكت وخلاص بتجرحني واسكت بتكرهني في لبسي بالرغم من اني شيك جدا مش بشاهدتي دي بشهاده كل الناس واولهم جوزي كل ماتشوفني لابسه لبس جديد تكرهني فيه عشان ماما اللي مدياني فلوسه وتجرحني قدام مرات اخو جوزي وبتستغل اني مش بعرف ارد وتقولي ليه متشتريش هدوم وتنزلي تلفي علي المدارس عشان تبيعيها استلفي من امك ودا مش تربيتي ولا مستوايا اني اعمل كدا وليه جوزي مش هو اللي يدور علي شغل تاني وكل شويه تقولي ايه يعني امك بتساعدك عادي وكأنه فرض عليها وجوزي طبعا مش بيغلطها لانها امه وتقول للناس اني خاربه بيت جوزي بالرغم من اني اقسم بالله تلاجتي كتير مبيبقاش فيها حاجه وعمري ما بطلب لاني مقدره الظروف انا زهقت من الانتقاد طول الوقت وبتقلل مني هي وجوزها علي طول ومش عارفه ليه انا اسفه جدااا اني طولت بس انا بقيت علي طول مريضه وكل يوم عند دكتور وكل دكتور يقول ان دا ضغط عصبي غير انهم خصوصا حمايا مبيحبش البنات وعلي طول محسسني اني جبتلهم العار بالبنت دي بالرغم من انها جميله ولذيذه ودمها خفيف جداا وحنيه الدنيا فيها ..ارجوكم ادوني حل لاني تعبت اسفه مره تانيه اني طولت ..شكراا مقدما ..