تعبت من زوجي الذي يفرض رأيه علي بكل شيء

السلام عليكم ورحمة الله وبركاته اتمني تعطوني رئيكم في مشكلتي لاني تعبت اوي انا متزوجه من 5 سنوات وجوزي اكبر مني ب13سنه وعندي بنتين هو انسان ملتحي والمفروض انه متدين هو بخيل معايا انا بس بيستخسر يديني فلوس او مصاريف شخصيه حتي بخيل في مشاعره دايما بيتخانق معايا وبيشتمني بس عمره ما ضربني يتصل علي اهلي واهلو يشكي مني ع اتفه المواقف ويكذب ويألف كلام علشان يطلعني انا الغلطانه عاوز يأمرني وانا انفذ كل اوامره من غير ما اعترض او حتي اقول رئىي وانا بعمله كويس جدا وبحاول اعدي المواقف مش عاوزني اخرج برا البيت او اكلم حد او يبقي عندي اصحاب دايما بيفرض رائيه عليا وبيتجهلني عمره مافكر يصلحني لو زعلت منه انا فيا عيب اني تخينه اوي دايما بقول يمكن مش عجباه بحاول كتير اخس بس مش بينفع وهو مستخسر يوديني لدكتور اعرف السبب انا وزني مش بينزل ليه بقي بيهددني يجوز عليا بس مش بسبب التخن بسبب انه عاوز زوجه مطيعه بتنفذ اوامره وبس اخر مره اتخنقنا تف عليا ادام البنات علشان عطاني 100 ريال لاننا كنا خارجين ولما رجعنا رفضت اديهالوومواقف كتير زي كدا هو بيقولي انتي لازم تسمعي كلامي من غير ما تعترضي وانا تعبت بفكر في الطلاق يمكن ارتاح بس خايفه اوي وهو مستضعفني احنا متغربين وانا هانزل ببناتي لظروف الرسوم اللي اتفرضت في السعوديه خايفه انزل ميدنيش مصاريف ويجوز عليا دايما بيقولي لما تنزلي ها تشوفي اللي ها اعمله فيكي بقيت بفكر اطلق منه علشان خايفه انزل وهو يجوز عليا وينساني انا والبنات انا مش عارفه هو طبيعي ان الجواز كدا وان الراجل لازم كلمته تمشي حتي لو غلط بجد تعبت اسفه اوي علي الاطاله عندي كلام كتير ومش لاقيه حد احكيله