تزوجت من رجل لم أحبه في حياتي يوماً

انا فتاة عمري الان ٣٥ عاماً تزوجت بعمر ٢١ من رجل لم احبه يوما كان زواجي تقليدي ، ما كان عندي خبره بالعلاقات من قبل هو اول شب يدخل حياتي فكنت بقول عند كل مشكله انه يمكن لان ما بعرفه يمكن بكره يعرف اني شخص منيح حتى بصلاتي كنت دايما بدعي يا رب حنن قلبه علي بس هدا الي بطلبه يشوفني على حقيقتي ولكن للاسف ما كان عنده قلب من اول ما تزوجته ما كان معي منيح و امه كانت عباره عن شيطان بشكل انسان عيشتني أسوأ ايام عمري خلفت ٤ أطفال والمشاكل مستمرة كان ابني الكبير هو اول فرحتي ما تخلي معي وتقلي ما ترضعيه حليب الام مضر ! حاولت جهدي اني أتقرب منهم واعمل كل شي ممكن يحول هالجحيم لحياة كنت بشتغل وراتبي كله ياخده ما كنت باخد منه شي الي خلاني اخدت قرض باسمي ٧٠ الف درهم وانا اسده بس كرمال أولادي كنت بقول معلش . ولكن الحياة كانت مستحيله بسبب سوء خلق زوجي واهله كلهم دون استثناء امه كان الها جبروت مش طبيعي لدرجة ابوه ماله كلمه ما كان اله رأي ابدا ممكن تحلف بالله كزب يعني لهدا الحد همه ناس ما بخافوا الله وكانت دايما تحكيلي متل ما اخدتي ابني مني رح احرق قلبك بولادك . و بالفعل اجا هدا اليوم بعد ١٠ سنين زواج وحياة سيئة وإهانات وخيانات من زوجي واتهامي بشرفي مرتين ومحاولات اني اطلق واخلص من هالعيشه بس للاسف امي كانت تحكيلي تحملي عشان اولادك اجا يوم وصار الطلاق خلص بطلت اتحمل تعبت حاول بكل الطرق معي ليكسر ضهري ما نفع شي بالاخر حكالي انتي ما بيكسرك الا اولادك واخدهم مني اصغر بنت كان عمرها ٤ شهور فعلا كسرلي قلبي، أخذوهم مني وأمه ما بتخليني أشوفهم او احكي معهم انا ببلد وهمه ببلد حتى انهم بحكوا للولاد قصص مش صح عني وابني الكبير ١٢ سنه هلا لما كان يرد عالتلفون من ٣ سنين اخر مره كان بخلوه بغلط علي انا اسفه طولت عليكم بس انا تعبانه ومش عارفه اكمل حياتي بنفس الوقت انا ما بقدر انزل أعيش بالبلد الي همه فيه لان ما عندي مقدره ماديه إربي الأولاد لحالي . أولادي عم يكبروا بعيد عني وانا ما عم بكون معهم ربنا شاهد وعارف انا شو عملت كرمال يستمر البيت بس ماكان في بايدي شي ! ساعدوا قلبي المحروق