ماذا أفعل بحماتي التي تقنع زوجي بأن يطلقني ويتزوج غيري؟

انا مصرية متزوجه من شاب مغربى منذ 5سنوات وربنا رزقنا ببنت الله يحفظها عايشين بدولة خليجية المشكلة ان زوجى قبل الزواج اخد قرض وصرفه كله على مزاجه والقرض بياخد اكثر من نص مرتبه وللحين بنسدد فيه باقى مرتبه يادوب بيكفى الايجار باقى مصاريف الحياة عليا انا موظفة قطاع خاص بس راتبى مش بيكفى فربنا بيقوينى واعطى درس ولا 2 لطلاب عشان اقدر اوفر بقيت مصاريف الحياة ده مأثر على نفسيتى جدا ومعنديش وقت لنفسي بس الحمد لله مهتمه بنفسى وبشكلى على قد ما اقدر مبقتش اعرف اروح صالون ولا اشترى الى نفسي فيه زى زمان فلوسى كلها رايحه على البيت وزوجى ربنا قدرنى قبل الزواج واشتريت شقة تمليك بمصر بس مكنتش فرشاها للاسف مبيكنش معايا فلوس حماتى انسانه ماديا جدا كل فترة تطلب فلوس من زوجى بشكل غير مباشر مره ارسلنا فلوس خروف العيد وانا وبنتى عيدنا ب2كيلو لحمه تخيلو وهو مقلهاش انى مش معايا لا خصم من مصروف البيت واعطاها وقالى لازم تنزلى تعطى درس عشان نقدر نكمل الشهر هى على المعاش راتبها يقدر ب10000 وعايشه هى وحمايا بالسعودية وراتبها بينزل البنك ومحدش بيصرف منه هى بخيله جدا ومش بتحبنى وعارفه ظروفنا بس هى مش عايزانى اتهنى بتعبى وشقايا وهو ضعيف مش بيقولها حاجه بيسكت بعد العيد الكبير الى فات بعتتله رسايل تشتمنى فيها وتدعى عليا وتقوله انت عايش معاها ليه عشان الفلوس طلقها وارتاح وقالتله انها بتدعى عليا انى اموت ومعرفش اربى بنتى ومبقاش سعيده فى حياتى زوجى قالها عيزانى اطلقها وافركش عيشى وابعد عن بنتى بطلقها زى ما انتى عايزه شفتم يعنى مش باقى عليا انا والله بقضى الشهر كله ب400 ريال فيها بترول السيارة ومحافظه على دينى وشرف زوجى فى وسط الاغراءات البشعه الى بتعرض ليها والاكتر من كده انها بعتتلى نفس الرسايل عشان تقولى اهو ان حياتك فى ايدى انا بحب جوزى جدا ومش بقدر استغنى عنه ومن يومين ومش بنكلم بعض خالص عشان اول امس بقوله الى بقلبى وانى خبيت عليه كل الشهور دى كلام امه عنى عشان احافظ على بيتنا يقولى واعمل ايه قلتله قولها حرام عليكى دى بنت ناس ومعملتلكيش حاجه سكت ولا همه وقالت له فى الجوال لما تنزل تعمل اصلاحات فى البيت الى هى فى شقة اخوه واخوه موظف وعنده راتبه بس الكل طمعان فينا مش عارفه ليه لو يعرفو انى اوقات مش بعرف انام من التعب والارهاق بتاع الشغل المهم قالى شوفى مش عاجبك الحال كل واحد فينا يقضى اجازته فى المكان الىيريحه قلتله يعنى عايزنى اسافر لاهلى وانت لاهلك عشان كل يوم تعيش مع واحده شكل وحشيش وخمر قالى وانتى مالك انا لو عملت كده هرجعلك انتى من وقتها وانا منهارة حاسه انه شايفنى وحشه ومش متقبلنى غير عشان يقضى وقته ويكون عنده زوجه يعاشره فقط مع انه دايما يقولى كلام حلو بس حسيت وقتها ان حبه مجرد وهم ارجوكم دلونى اعمل ايه للعلم جزء من القرض بتاعه هيخلص بشهر 5 القادم يعنى استحملت معاه تسدسد ديون 5 سنوات وفى الاخر بيقولى انى ماليش لزمه اعمل ايه واعيش ازاى انا وبنتى ومقدرش انزل اعيش بمصر مش عندى شغل ولا فلوس ولا اقدر اعيش هناك لانى اتعودت على الامان والمعاملة المحترمه هنا من الناس وبنتى تتربى فى جو نظيف انا هموت من القلق والتعب ودايما ابكى قولولى اتصرف ازاى حاسه ان حياتى غير مستقره معاه زوجى انانى انانى ساعدونى ارجوكم انا عندى 34 سنه بس الى يشوفنى يعطينى 25 او 27 سنه