أفكر في الطلاق رغم حبي الكبير له

زوجي كسرني للمره الثانيه... زوجي حاصل على شهادات عليا.. وهذا بفضل الله ثم بفضل وقوفي جانبه.. فأنا اعمل واعطيه كل مايحتاج فقط حتى يكمل تعليمه... وف الآخر مالقيت منه الا الجحود والنكران... ابداً مايذكر لي موقف حلو.. او يشكرني لوقوفي بجانبه.. يشكر الكل الا انا... مانطلع تمشيات وخرجات زي الناس.. وعذره انه لازم نجمع فلوس عشان الزمن... ووالله الفلوس هذي اما تروح لأهله.. او يجي نصاب يلعب عليه بمشروع فاشل وياخذ فلوسه كلها.. رغم نصحي وتحذيري له... الا انه بالأساس ما يعطيني وجه ولا يسمع مني... لي شهور مااطلع من البيت تعبت نفسيتي... احس اني مالي لزمه في حياته ..هو حنون وطيب... ويقول يحبني.. لكن تصرفاته تقول عكس... انا الحمد لله جميله واهتم بمظهري.. بخيل عليه بالماده وبالخرجات والتماشي... اهم شي عنده الجنس.. وانا والله مااقصر معاه.. لكن اكره نفسي لما احس انه ماخذني فقط لهذا الشي.. حتى الخلفه مايبغا عيال.. لاني اتعب بالحمل.. وينحرم من الجنس... ووقت حملي اكون زي المنبوذه حتى الحنان ماالقاه منه... عندي اثنين الله يحفظهم.. وحملت مره وكرهت نفسي من معاملته لي اثناء الحمل.. وقدر الله ومات الجنين في بطني ونزل... افكر في الطلاق رغم حبي الكبييير له.. بس اخاف على عيالي... ووالدي متوفي.. والبنت لامات ابوها عزها وين تلقاه... عند عمها عند زوجها عند اخوها!!.. لا بالله الا عزها فات وياه....