معاناتي مع زوج قاسٍ وفظ القلب ساعدوني

انا متزوجة من 6 سنوات وكنت قبل الجواز اهلي مربييني على ان الحب والتعارف والعلاقات قبل الجواز ده جريمة وعدم حياء وكانت النتيجة اني كنت 22 سنة من عمري ليس لدي اي خبرة عن الجزء السئ عن الجنس الاخر واني كنت بحلم وهموت والبس الفستان الابيض واعيش قصة الحب ولو شوية ود وشوية شد وجذب لكن الاساس هو المودة والرحمة والدين والتسامح اللي قال عليهم ربنا خصوصا اني بطبعي هادية ومطيعة واحسبني على قدر من العقل والتدين يسمحلي اني اتقي الله في كل افعالي واقوالي ... وصل سني الى 22 وكان لا يتقدم لي احد في سابق عمري _وانا على قدر متوسط من الجمال- وكان زوجي بالظبط هو ثالث المتقدمين فمن قبله كانوا اقل مني في المستوى التعليمي وانا متفوقة جدا لا اقبل بمستوى تليمي اقل وبالنسبة لابي وامي رضخوا لتقدمه وشافوا انه فرصة لا تعوض فهو مقارب جدا لمستوايا التعليمي والمادي ونجحوا انهم يقنعوني بيه وكانت ملاحظتي الوحيدة عليه انا لايعرف يتناقش او يتكلم لكنه خلوق وطيب وكان هو واهله يقولون ان ذلك البيت المكون من 4 شقق دا بيته بعد شوية بقا كلامهم ان الشقة التانية دي بتاعة امه وبعد ما اتجوزت الشقة التالتة جت فيها اخته المتزوجة واولادها اصبحت دلوقتي ساكنة في بيت عيلة مهما كنت كويسة وهما كويسين هيحصل مشاكل لانهم جميعا ليهم اسرارهم وكلامهم الخاص بيهم وانا اصبحت غريبة بينهم .... اما مشكلتي الكبرى زوجي طبعه صعب جدا فهو طول الوقت لا يتحاور معي في اي موضوع وانا بستناه بفروغ الصبر عشان اعيش معاه احلى قصة حب مليئة بالكلام الحلو انا آكل دماغه بالكلام واللي حصلي خلال يومي واطلب منه النصيحة الا انه لا يحكي لي عن شئ يحصله ويخبي عني حتى تدابير البيت اللي ممكن بدرايتي عن اولويات الحاجات الخاصة ببيتنا واولادنا مساعدته وبالتالي حياة افضل فهو كذلكيعتبرني غريبة بالاضافة الى انه مع توترات الحياة اصبح لايصلي وانا اعظه كثيرا ولا يتعظ ويراني اصلي ولا يصلي ولما اساله مثلا واحنا رايحين الشغل صليت الصبح لايرد ووجهه دايما مكفهر وغاضب على عكسي انا ابتسم في وجهه واحاول اخفف من عليه ضغوط الحياة وتوتراتها الا انه عامل زي الطوبة لايحس ولا يرد وكتير بحس بالاهانة منه عشان بزعل لما مبيردش اوبيرد رددوده الجافة اللي بتدمر اي حب ممكن ادورله عليه في قلبي انا حاسة دلوقتي ان قلبي مكسور ولو اشتكيت لابي وامي مش هينصفوني لانه قاسي القلب والطبع جدا وهما غلبانين جدا همهم ميشوفونيش راجعالهم بعيالي مطلقة فهيرضخوا ليه وكانوا زاللهم ومش هياخدوا معاه حق ولا باطل فهو جبروت ومتغطرس مثلا ماحدث لي اليوم انه راجع من شغله بردو بيكلمني بكل غطرسة خلصي وتعالي بسرعة ونامي دلوقتي حالا عشان هصحيكي تعمليلي الاكل على الساعة 12 قولتله حاضر بس اتكلم كويس عشان انا معدتش قادرة اتحمل اسلوبك واصبر عليك راح رد عليا قالي باستزاء ..ولا متصبريش ... من ساعة الرد دا وانا مش عارفة اعمل ايه بس كل اللي مسيطر عليا اني مش هقبل اهانة تاني لو حصل ايه