أصبح يحبني كثيراً ويهتم بي بعد أن كرهته، فما الحل

انا متزوجه ولد عمي تزوجنا زواج تقليدي ماشفته غير يوم الزواج تزوجنا وصرنا نمثل الحب مدري نحب مدري شسميه اللي اعرفه اني كنت احبه حب يفوق الوصف واحن عليه واحترمه بس ماكنت احس بالحب من ناحيته عادي يعاملني بماتنص عليه قوانين الزواج فقط بعد كم شهر صرت ألاحظ ان انا اللي احب بس وبدت فجوه كبيره بيننا لدرجة الخيانه بالانترنت والبعد عني كثير .. رزقني ربي وجبت بنت وبعدها صرت ماعاد احبه الحب اللي كان بقلبي له ولاعاد يهمني اي حاجه ولاحظت انه مع الايام صار هو يحبني مره وترك كل شي يضايقني وصار انسان ملتزم دينيا المشكلة الان اني ماعد في قلبي له حب بمعنى الحب صرت زوجة تاخذ وتعطي حقوق وتصون بيته وتربي عياله ام الحب للاسف ماعد صرت اعرف احبه ابداً ودي حاولت بس ماقدرت وهذا الشي خلاني اصير عصبيه وماتحمل اي شي منه فقدت الضحكة وفقدت الاهتمام بالحب