هذا ما فعلته والدة زوجي بي عندما رفضت إعطاءها من ملابسي!

السلام عليكم. أنا امرأة عندي 37 عام. متزوجة مدة 5 سنين. عندي بنت و ولد. و عايشة مع راجلي في الغربة. حاليا في عطلة بالمغرب. مشكلتي مع عائلة راجلي. خصوصا أمه. تكرهني بزاف. حيت كانت حابة يتزوج بوحدة أحسن مني. أنا ما أقنعتهاش. حبات ليه وحدة جميلة عليا. فين كانت النهار الاول لما جات تخطبني ليه؟ الآن بتشوفني قبيحة؟ و بتغير مني بزاف. نهار جيت المغرب عطاني راجلي فلوس نشري بيها شوية الدهب. و منين اظهرتو ليها غضبات. و قالت لي ما تخليهش يجمع المال. و عمركم تكسبو ثروة. و إنت بضيعيه. جرحاتني. مع انني شريت غير حلقات و إسورة. و من بعدها كانت معزومة لحفل عقيقة ، و جات طلبات مني قفطان عرسي. ما يمكنش امرأة كبيرة تلبس لباس وحدة صغيرة. خصوصا لباس العرس. قلت ليها ما جبتوش خليتو فالغربة. غضبات عليا مرة أخرى. جيت نقضي عطلة مع ولادي حرمتها عليا. تقهرت و بقيت غير نبكي.