يسرق ويخون ثم طردني وأسْكَن أخته في شقتي

انا متزوجه ولدى طفلين ابنى خمس سنوات وبنتى سنتين للاسف وصلت لقرار فى حياتى وهو الطلاق وعايزة رايهم معايا قرار صحيح ام خطأ جوزى تربيته مختلفه عنى ممكن يعمل اى غلط قصاد كلمة المصلحه وخانى اكتر من مرة لدرجه انه تعب ونقل ليا مكروب وسامحت علشان الاولاد بس للاسف ماشي فى سكة الحرام حتى بعد تعبه مافيش اى تفكير فى مستقبل الاولاد تفكيرة بس انه يصرف فلوسه على الحشيش دخل السجن 6شهور بسبب انه اشترى عربية مسروقه وخرج وقولتله لازم وقفه لكل اللى بتعمله امشى صح بس رده انى ماليش دخل بيه ليه طلبات البيت بس قولتله خلاص بينى وبينك الاولاد فقط ماطتلبش اى حق منى على اساس انه يتغير بس طردنى من البيت وغضبت عند اهلى شهرين وقعد اخته فى شقتى وانا مش موجوده و مافيش مصروف لاولاده يبعته ولا حتى جاب ليهم لبس العيد