بعد كل معاناتي معه يريد الزواج علي!

قصتى انا عارفه انى نساء كتير عاشتها انا سنى فى الثلاثين وتزوجت بعد قصه حب وكنت عايشه مرتاحه كان بيسافر بلد عربى بس كان رزقه قليل خالص صممت انى اسافر عنده جمعت فلوس الاقامه وسافرت انا عندى طموح الحمد لله اشتغلت وهو اشتغل فى نفس الشغل معايا وجهزنا منزل واشترينا سياره ورجعنا بلدنا للزياره فى بنت قريبته فى اخر سنه فى الكليه بعد مارجعنا ابتدت تتكلم معاه كتير لدرجه انها بقيت كل حياته وانا واولاده وشغله ولا حاجه اهمل فى شغله وخسرنا وباع السياره واخد ثمنها ونزل عندها فى بلدها ورجع من غير الفلوس وسابنا لحالنا فى الغربه ولما اتكلمت مع اهله زعل منى ومن اهله وخاصمهم المهم انى شوفت الرسايل اللى بينهم وعرفت انهم متفقين على الزواج ولما نزل عندها كان هيتزوجها بس هى أجلت لحد نهايه الدراسه انا مش متاكده انها سابها بس هى بتبعتلى رسايل بتهددى انها مش هتسيبنى وهتخرب بيتى وبعتتلى رسايل كتير قبل كده وهو مدافعش عنى ورسايل مش كويسه اما دلوقت بيقولى كبرى دماغك وسيبيها انا نفسى اعاقب زوجى على اللى عمله انا مش بقول ميتزوجش بس على الاقل كنت عيزاه يراعى شعورى بالعكس لما عرفته انى عرفت زاد فيها وبقى يكلمها كدامى وسحب كل حقوقى كزوجه وقالى مالكيش اى حقوق عندى وسابها تغلط فيا وسكت وكل ما احاول اراضيه يجى زياده عليا ويقولى اول ما اروحك بلدك وبرسلك ورقتك وهو دلوقت بيحاول يصالحنى بطريق غير مباشر كان جالس فى غرفه لحاله دلوقت بيجى يجلس معانا لحد النوم وبعد كده ينام لحاله قولولى اعمل ايه علشان يعرف انى غلطه كبير وميكررش الغلط ده تانى