هل يمكن تغيير شروط عقد الزواج بعد الزواج؟

هل يمكن تغيير شروط عقد الزواج بعد الزواج؟موقع حلوها السلام عليكم انا متزوجه منذ6سنوات عمري 25 ولدي طفل عند كتابة عقد الزواج كانت شروطي لزوجي السكن المستقل والزياره الاسبوعيه لأهلي وهذي شروط طبيعية في بيئتنا

بعد زواجي بفتره زوجي سار يكلمني يبغاني اروح المحكمه الغي شرط الزياره الأسبوعية انا رفضت واحيانا اصرف الموضوع وهو يكرر علي نفس الطلب من فتره لفتره اقله انا عمري مارح اجبرك توديني لأهلي اذا الظروف ماكانت مناسبه يعني استقريت في دوله غير دولة اهلى ماكنت اقله يوديني لهم كان هو يوديني ع كيفه ولمن كنت قريبه منهم كان يوديني لهم بستمرار وبرضاه وموافقته دحين زوجي سافر لدوله اوربيه وسوالي استقدام وقدم لي ع معاملة دحين يكلمني اني الغي شرط الزياره يقلي المعامله في الدوله تطلب الغاء هذا الشرط لأن انا عشان اطلع اقامه لازم امكث فيها والشرط بيقولو انه رح اروح عند اهلي واخرج من هذي الدوله انا رفضت بس بعدين قلتله احلف انو المعامله تطلب الشيء ذا ماحلف بس قالي كلام طويل قلتله انا لو لغيت الشرط في العقد بيني وبينك الله ماني لاغيته وحسيته برضو مايبغا هذا الشيء 

بعدين قالي خلي الشرط بس اضيفي انو الزياره الاسبوعيه لأهلي تكون ان امكن يعني اضيف فقط ان امكن وانا عارفه الاضافه هذي بتكون في صالحه لأن هو حتى لو يجيبني لأهلي بستمرار مايبغا شيء يكون مفروض ومقيد عليه يبغا يكون شيء راجع له.. ودايما هو يحسب حساب لبعدين هو طيب معاي وسفرياته للشغل كثيره بس لمن سافر هذي السفريه اتغير في أمور مبادئه معاي في بعض الأشياء اتغيرت وسار يقلي انو كلامه مو قرآن وكلامه اول ماأعتمد واثق فيه لأنه رأيه يتغير طبعا انا ماحبيت هذا الشيء لأن انا كنت أثق فيه واحس كلامه واحد مو مذبذب حتى لو كان رأيه مو عاجبني بس يعني كنت احس ان رجال عند كلمته ووعوده اثق فيها فيعني بختصار ثقتي فيه قلت وانا مااعرف في المستقبل كيف رح يتغير وان شاء الله مايتغير الا للأفضل لكن من باب الاحتياط انا ماابغا الغي الشرط عشان المستقبل فإيش تنصحوني الغيه ولا كيف وهل فعلا المعامله في الدول الأوربيه بتركز ع دي الأمور لان بصراحه مادخلت دماغي لأن اتوقع المعامله بيفرق إذا متزوجه ام لا مو شروط زواجي وخايفه فعلا يكون كلامه صح وانا وولدي تعبنا في بعده وابغا اروح له بسرعه