سأطلق زوجتي الثانية لكني خائف من شماتة طليقتي وأهلها

السلام عليكم ورحمةوالله وبركاته اناشاب عمري 25سنةمشكلتي انااتجوزت واحدةجواز صالونات وطلعت اخلاقها مش كويسة وامهاهي اللي كلمتها ماشيةفي البيت وابوها مالهوش لازمة وامهاهي سبب الطلاق عشان مش عايزة بنتهاتستقرفي بيت زوجها وتعيش وعايزه تروحلها كل يوم وحياتي بقت جحيم لماتعبت طلقتهاوعطيتها حقها وكل واحد راح لحاله مشكلتي بتبدا من هنااناكنت مصاحب واحد في الغربة وحضرفرحي وعارف كل حاجةعن الموضوع الطلاق وعارف اسبابه ان بعد الطلاق فكرت في الزواج عشان اعصم نفسي من الحرام كلمت صاحبي يشوفلي واحد من بلدها بين وبين بلده تقريبآ30كيلولاني كنت حاطط في دماغي ان لماتكون غريبة عن البلد هتعيش وفي نفس الوقت عشان السمعةاللي طلعتهاعليا طليقتي وامها اني مجنون وكنت بضربها وبكهربها وبربطها وكل الناس كانت خايف مني المهم صاحبي رن عليا في يوم وقالي تعال النهاردةعشان هاوريك واحدةجيرانا روحتله وشوفت البنت متاكدتش من شكلها لاني مش فارق معاي الجمال ان عايز واحدةتعيش وبعدهاصاحبي طلع معاي وقالي هردعليك بكرةتاني كلمني وقالي البنت عجباك قلتله انامش فارق معاي الجمال اهم حاجة تكون بنت ناس تفهم الاصول هتعيش قالي علي ضمانتي ودي تبقي اخوتي اتحرجت منه وقلتله شيئ يشرفني اني انسبك ورحت عندهم هناك ومسالتش عليهم واللي طلبوه في الشبكةوالمهروافقت عليه علي الرغم مطالبهم كانت فوق طاقتي وادينت بفلوس عشان اناكنت مفكرهم شارين وسالوا عن سبب الطلاق عرفتهم الاسباب انا طليقتي عايزةتروح بيت ابوها كل يوم وامهابتحرضها عليا وعلي اهلي وكان ردهم احنا اهم حاجةبنتنا تعيش مرتاحة ومش عايزينها تيجي عندنا احنانبقي نروحلها وبعد ماجبت الدهب بدات المعاملةتتغيروحقيقتهم تظهر اسلوب همجي في الكلاب وبخل لدرجةالعفانة مجبوش لبنتهم حاجةتشرف ولاحتي لبس يشرف علي الرغم اني دافع فلوس وكان كل همهم القايمة زودوها15الف جنيه فوق سعرالحاجةاللي جيبنها استحملت وقلت عادي عشان خاطرالعيش والملح اللي بيني وبين صاحبي وبعد الجواز كل لمايكلموبنتهم تعالي مش بتيجي ليهااشرطي علي جوزك يجيبك كل اسبوع تبيتي يوم وتاني يجي ياخدك وبيتصلوا بيا يقولي هاتها وتعالي واناقاعد في بيت العيلةوامي مريضة سكروضغط ومفيش غيرمراتي واخواتي الشباب عزاب والتقليد في بلد ان الواحدة تروح بيت ابوها كل شهرين كل تلاتة اناتعبت ومش عارف اعمل لدرجةاني عايزاطلقها ومش فارق معاي كلام الناس ولا كلام طليقتي وامهابس خايف اشيل ذنب مراتي عشان هي عايزتعيش ومش بتسمع كلام اهلها وفي نفس الوقت مش عايزالمشكلةتوسع وطليقتي وامهايشمتوافيا همايعتبرجيرانةوبيتهم قريب من بيتنا ساعدوني بالله عليكم اعمل ايه واسف علي الاطالة