أشعر بأني فقدت أنوثتي بعدم حملي، ساعدوني

اتجوزت ابن خالى كان جواز تقليدى يعنى كلام جدتى ام ماما وان انا وهو لبعض من واحنا صغيرين بتقول انتوا لبعض لغاية ما الموضوع دخل فى دماغى تدريجى واعجبت بيه بس هو كان معتبرنى صاحبتة واخته كان اسراره كلها معايا وعلاقتى بمرات خالى كانت قوية جداا كانت امى التانيه علاقتى انا وهو كانت قوية وكان حكالى ان هو حب بنت وارتبط بيها خمس سنين بس سابوا بعض زعلت منه عشان معرفنيش غير بعد ما سابوا بعض بس برر انه مكنش عايز حد يعرف عشان سمعتها وبعد ما جدتى صممت على زواجنا ومن اول يوم خطوبة وهو متغير معايا مش بيعاملنى بطريقة وحشه لا هو بقى ساكت ومعظم الوقت مبيتكلمش ويوم فرحنا مكنتش حاسه ناحيته باى لهفه عليا واتجوزنا وبيعاملنى بما يرضى الله بس اتغير عن الشخص اللى اعرفه زمان واتجوزنا ٣ سنين والحمد لله مفيش حمل حصل ولما كشفنا طلع عندى مشكله فى الحمل وبتعالج وفيه امل ان احمل من لحظة ما جوزى عرف وهو متغير للاحسن للتصحيح رجع زى زمان الشخص اللى اتربيت معاه بقى يرجع من الشعل يفضل يتكلم ويهزر و عاد باستمرار فسح وخروجات حتى ان اشترى الهدوم بقى بيجى معايا كل اللى بيعمله داه كان عنكى احساس ان بيعمل كدا من باب الشفقه لان كنت منهارة بعد مشكله حملى وبقيت انطوائيه بسبب المجتمع اللى مبيرحمش حد وكلامهم الجارح واسألتهم المزعجة ايه مفيش حاجة جاية فى السكه من اربع ايام كنت ماسكه اللاب توب بتاع جوزى وبعمل حاجة وهو دخل يعمل حاجة غى المطبخ وكان معاه الموبايل بتاعة ولقيت رساله جتله على الفيس هقول اختصار الكلام من واحدة بتكون جارته طلعت دى اللى الى كان بيحبها خمس سنين وبتتكلم معاه وذكرت موضوع حملى وقالتله انت عايش معاها ازاى دى اكيد واحد صحبك يا بنى هى الست ايه غير ام ورد قلها عيب اللى بتقوليه قالتلها متزعلش اوى كدا امال لو كنت بتحبها قالها سلام انا هقفل قالتله طب هتفتح تاتى امتى شاف الرساله ومردش وانا جسمى بدأ يترعش اتكلمت عنى كلام جارح وهو ردودة كانت مختصرة ومردليش كرامتى قمت اتخانقت معاه فضل يهدى فيا وقالى خودى العلاج ومتتعبيش اعصابك وكمان انتى بتفتشى فى الرسايل ليه واهدى عشان افهمك قلتلتة انت بتقول ايه انا مفتشتش فى حاجة ومتحاولش تغلطنى قالى انا مبغلطكيش انا بسأل شدينا فى الكلام قولتله طب ادام انت بتحبها اوى كدا مكمل حياتك ليه معايا ليه قالى هو انا لو مش بحبك كنت هكمل حياتى معاكى ومفيش بنا اطفال نكمل عشانهم وكلامى معاها كاصحاب ومش برد على رسايلها غير فين وفين وهو سكت وانا سكت قالى مقصدش اجرحك بخصوص الاطفال بس انتى اللى فهمتى غلط وخلتينى اقول كدا غصب عنى هى لسه بتحينى بس هى بالنسبالى ماضى وانا بحبك انتى بس كل كلامه مكنش ليه لازمة ساعتها بعد ما جية على الجرح نمت فى اوضة وهو فى ازضه وانا متجنباه بس هو حاول يكلمنى ويراضبنى واعتذر وباس راسى بس بالنسبالى خلاص معتش فارف حاسة ان فقدت انوثتى بعدم حملى وان فعلا بقيت راجل وعلى رأى البنت بقيت واحد صاحبه وان الست ايه غير ام