قلبي يؤلمني بسبب إهمال زوجي وتعامله القاسي معي

السلام عليكم ورحمه الله ' انا فتاه عمري ٢٤سنه مملكين على بعض ' باقي على عرسي شهرين ' مشكلتي مع زوجي ' وصل لدرجه الاهمال حتى وانا مسافره مايرسل لي اذا وصلت ولا لا 'حتى مافكر يتصل علي يطمن على سلامتي بالوصول 'يوم هو يكون مسافر ما اقصر اتصل واسأل واطمن عليه اذا وصل ' ويوم ارسل له يرد علي بعد اربع ساعات واحيانا يوم كامل مايرد ' انا ماني من النوع اللي تسأل من تكلم وليه متأخر ومع من طلعت يعني ما اتدخل بأموره' لكن يوم ارسل له رساله يرد علي متأخر واللي قهرني بنفس اللحظه اللي كنت ارسل له ' القاه يغرد بالتويتر عن المباريات ' صاير مايكلمني بالايام ' مره اسبوع كامل ماكلمني ' واشوفه متصل باللحظه اللي انا اراسله فيه ومايرد علي 'استغربت من طبعه معي ' معنه ماكان كذا ' ببدايات الخطوبه كل الرجال يحب يبين انه مهتم بخطيبته ' لكن مع الايام الطويله يبين على حقيقته ما بعمم على كل الرجال ' لكن اكتشفت ان زوجي مو من النوع المهتم ولا اللي يسأل ' صرت ابعد عنه ولا ارسل ولا اتصل حسيت نفسي ثقيله عليه بالحيل' حتى الكلام الحلو من زمان ماسمعته منه 'حتى كلمه احبك او اشتقت لك ماسمعته منه حتى انا اللي اتذكر يوم ميلاده ' لكن هو حتى يوم ميلادي مايتذكره ' انا ما احب اتمنن لكن حتى المبادره بالهدايا انا الي ابادر فيها هو مابادر الا اول ايام الملكه' ' 'اذا كذا اسلوبه معي اجل اذا كنت عنده وش بيسوي فيني!!!! تعبت نفسيا من اسلوبه معي' ' لحد يقول عاتبيه لاني عارفه طبعه العتاب مايبيه ولا يبي احد يحاسبه على تصرفاته ' ابي حل اتصرف فيه معاه لعله يتغير