طلاقي منها لمصلحتها لكنها للأسف...

مساء الخير علي الجميع طبعا انا دايما بعلق هنا ولما حسيت ان فعلا في ناس محترمه وبتقدم نصايح فعلا تقدر .سامحوني ان طولت .انا شخص عمري 38 سنه مغترب من حوالي 18 سنه بره بلدي اتجوزت ام ولادي منغير مشوفها امي رحمه الله عليها كانت عاوزه تفرح بيه خصوصا اني ابنها الوحيد طبعا خطبتلي بنت ناس محترمين جدا وعملو حفله خطوبه منغير مشوف العروسه بعتولي شريط الفيديو بعد الحفله مخلصت وكنت اول مره اشوفها طبعا كنت طالب مواصفات معينه فشريكه حياتي فالشكل امي كان ليها رأي تاني وجابت بنت مختلفه تماما وكانت وجه نظرها ان الاخلاق والنسب المحترم ده اهم من طلباتي فالشكل بعد مشفت البنت مكنتش مبسوط بس لان كان ليها تجربه خطوبه مره قبلي خفت عليها من الناس واحنا فريف وده بيعتبر شي مش كويس وقولت هيه ملهاش زمب وقولت ده نصيبي ورديت بيه .ونزلت واتجوزت وربنا رزقني باول ابن ليه وحاولت بكل الطرق اني احبها عملت كل حاجه يعني موعد ولادتها نزلت مخصوص من بره احضر ولادتها رغم ان ده صعب لمده 3 ايام وكنت محسسها اني بحبها بكل افعالي وكلامي. وبعد سنين قابلت ست هنا فالغربه كانت متجوزه ومنفصله وعندها اولاد اكبر مني ب4 سنوات كان فيها كل المواصفات الي كانت فراسي كانت بتمر بظروف صعبه جدا وناس كتير كانو طمعانين فيها ماديا وجسديا ووقفت جمبها لدرجه ان هي الي طلبتني لجواز واحنا فقلب. الحرم المكي .وعشنا مع بعض 3 سنوات كنت مبسوط فيهم جدا وحياتي كانت ماشيه طبيعي ومده.ماثرش علي معاملتي لام ولادي بالعكس كان قلبي بوجعني عشانها جدا خصوصا اني شايف ان ملهاش اي زمب واني انا الي خنتها بجوازي ده المهم ام الست الي اتجوزتها دي طلع فيها صفات سيئه جدا بس استحملتها ويشهد الله اني عمري مطمعت فيها وكنت خير عون فحياتها كلها وده حببها فيه جدا طبعا فجاه لقتها بتقولي طلقني لاسباب ان ابو ولادها هياخد منها اطفالها وفعلا نزلنا بلدنا واخدتها فمكان رومانسي جدا قضينا فيه يومين وبعدها علي المأزون وطلقتها من باب اننا بنخرج من بعض بمنتهي الاحترام وبعدها ابو ولادها برده ضحك عليها واخد منها الولد وسبلها البنت. ورجعت ليه بعدها بشهرين تترجاني اني اردها لعصمتي مره تانيه وانا قلبي ضعيف جدا وانسانيتي مودياني فستين داهيه ووافقت ورجعتها. طبعا هي ولادها فبلدنا مع وولدتها واحنا فغربه البنت باظت خالص واخلقها بقت زفت وفعلا اقسم بالله قلبي وجعني عشانها وبقولها تنزل تعيش مع بنتها وتربيها كويس قبل فوات الاوان خصوصا ان شغلي فالبلد دي انتهي واصبحت بشتغل شغل يدووب بيجيب مصاريفي الشخصيه بس قاعد هنا علشانها هيه بس انا بحبها جدا جدا ومينفعش اسبها فغربه وانزل بلدي لاني مقبلش ان مراتي تبقي فمكان وانا فمكان وانا عاوز اطلقها عشان تقعد مع بنتها وتحافظ عليها وعلشان ابو ولادها يرجع ليها ابنها وتلم الشمل والله فكره طلاقي منها لمصلحتها اولا بس هيه بتتزلل بشكل بيوجع قلبي اني افضل معاها وبتعرض عليه فلوس كتير قوي وانا برفض بشكل قاطع لاني مقبلش علي نفسي كده بس الفكره اني خلاص مبقتش عارف اعمل ايه انزل واطلقها عشان تبقي مغصوبه علي نزولها وتلم عيالها حوليها ولا افضل معاها ولا اعمل ايه ولادي انا كمان كبرو ومحتاجني جمبهم. المشكله كل ماخد قراد النزول قلبي بيتنفض اني اسبها لوحدها فغربه ودموعها بتموتني حاسس اني تايه نفسي اجمد قلبي بس مش قادر اسف اني طولت بس فعلا ده اختصار ل7 سنين جواز منها بعتذر لحضراتكم وشكرا