تصرفات أخت زوجي كالجوزة في الحلق

مشكلتى تكمن فى اخت زوجى انا متزوجه من خمس سنين كوال فترة زواجى وحياتنا جميلة جدا انا وجوزى اتجوزنا جواز تقليد بس فى فترة الخطوبة حصل انسجام وتفاهم كبير بنا واكيد حبينا بعض بعد الجواز كنا عايشين حياة اشبه بالقصص عمرى ما حبيت احكى اى حاجة حلوه او وحشه عن حياتنا بره لاسباب كتير من اهمهم انتوا عارفين ان الحسد مذكور بالقراءن وكنت بخاف على حياتنا بس فعلا كانت حياتنا كلها جنان وحب وفرح اكيد كان فيه زعل بس كان اطول فترة لزعلنا يومين وبنرجع نتصالح جوزى كان بيعشقنى ومدلعنى وعمره ما قصر فى حقى لحظة واحده وانا كنت بعمله كل حاجة حلوه فى حياتة عمرى ما اشتكيت ولا فضلت اتكلم فى زعل بنا كتير زى ما فيه ستات كتير بتعمل كدا حتى لو خرج مع صحابة كنت اكلمه وهو بره واقوله استمتع بالوقت مع صحابك وانا هفضل سهرانه مستنياك لدرجة من كلامى الحلو ليه كان يرجع بعد ساعه واوقات كان ميرضاش يخرج معاهم ويتهرب منهم عشانى وكان بيعشق القعده معايا فى البيت وخلفت ولد وبنت توأم عمرهم سنتين ونص متغيريش حتى بعد ما خلفت وكان كل اسبوع لازم نخرج انا وهو بس ونتفسح وبخلى الاولاد عند اهلى اللى هما امى وابويا واخويا ومراته جوزى عنده اخت وحيده متجوزة وعايشه بره مصر مع جوزها مبتنزلش مصر غير نادر من شهر ونص حصل خلافات بنها وبين جوزها نزلت مصر وقعدت معانا فى البيت على الرغم من وجود بيت اهل جوزى فاضى محدش عايش فيه مزعلتش انها قعدت عندنا بالعكس كنت بقول بيت اخوها وان مكنش يبقى سند ليها مين هيبقى سند ليها كنت معتقده ان وجودها فى الببت معانا هيخلى علاقتنا اقوى وتبقى زى علاقتى انا ومرات اخويا ومن اول لحظة دخلت فيها بيتنا وهى مدمره علاقتى انا وجوزى حرفيا مدمرها ابسط موقف كنت بحضر الغداء وهى قاعدة مبتعملش حاجة والاطفال كانوا بيعيطوا وجوزى بيلعب معاهم عشان يسكتوا بس كانوا جعانين وانا بطبخ وكان عندى الدورة الشهرية فحالتى النفسيه كانت مش كويسه وكان اول يوم ليها وكان وجعها لا يحتمل فالاولاد دخلوا المطبخ وانا اتعصبت وزعقت وناديت جوزى ياخدهم دخل وقالى براحه اهدى وشال الطفل دخلت اخته وهى متعصبه قالتلى عيب اللى انتى بتعملية داه احترمى جوزك وكمان كنتى تعرفى تشيلى ابنك بدال صوتك اللى مسمع الحيران جوزى احس باهانه استنى على ما خلصت طبيخ وفضل شايل الاطفال واول ما خرجت احط الاكل خرج وقال مليش نفس اعتذرت بعدها وصالحته لان كنت بكلمة بقلة زوق وحصل مواقف تانيه كتير تدخل تخيلنى انا وجوزى نتخانق حتى فى خروجة الاسبوع اللى بنخرجها فروحت اودى الاطفال عند اهلى قالتلى خليهم معايا واخرجى بمجرد ما ركبنا العربية وجوزى ساق حوالى تلت ساعه لقينها بترن وبتقول ارجعوا الاولاد مش مبطلين عياد رجعت لقيت الاولاد ساكتين وقاعدين يتفرجوا على الكرتون قالت لسه ساكتين اشقيه اوى والخروحة باظت جيه الاسبوع التانى ودينا الاطفال عند اهلى وهى خرحت معانا مكنتش عارفه امشى مع جوزى ولا اتكلم معاه حتى ان امسك ايده مكنتش عارفه منها كل شوية تمسك ايده وتشده منى بتتعامل معايا زى ما اكون خطفت منها جوزها بتدخل فى حياتى الخاصه حتى شغلى بتدخل فيه انا مهندسه ديكور وربنا رزقنى شهرة واسعه وعلى طول عندى شغل بتفضل تحرض جوزى ضدى تقوله الشغل مش اهم من البيت انا ليا شغلى الخاص انا واصحابى لينا شركة خاصه بينا اما جوزى هو مهندس مدنى والله تعبت منها بفكر اسيب البيت واروح لاهلى تعتب نفسى منها مش عارفه هى بتتصرف معايا كدا ليه