أعيش كالعجوز بعمر 60 عام بسبب هذا الرجل

السلام عليكم انا نفسيتي تعبانه ومش عارفه اتصرف ازاي انا ليا 7 سنين متزوجه وعندي طفل واحد انا وزوجي تفكيرنا غير بعض وعمرنا مااتفقنا علي موضوع لان تفكيرو غير تفكيري هو دقه قديمه لما تزوجت كان عندي 16 سنه عمرو مافسحني ولا دلعني هو بيشتغل في الخليج بينزل اجازه كل سنه ولما بينزل بيقعد الاجازه كلها مع اهله وانا مابيعبرنيش بياجي عندي عند النوم فقط وبيعاملني زي الحيوانات يعني عند العلاقه فقط يهتم بيا وبعد مايخلص كاني كلبه بينام ولا بيعبرني ولا بيجيب ليا هدوم الا الهدوم الرخيصه اخواتي 5 متجوزين بحس بالفرق بيني وبينهم مع ان جوزي معاه فلوس اكتر منهم ولما بروح زياره معاه عند اهله بيخاصمني قدام والدته ولا بيعبرني اخويا ومراته لما بيجو عند ماما بيهزر مع مراته واخواتي برضو جوازهم بيهزرو معاهم مع اني اصغر واحده في البيت وانا بصعب عليهم من كتر البهدله اللي انا فيها حتي انا لماتزوجت كنت في 2 ثانوي ورفض اكمل تعليمي ومن ايام الخطوبه سالتو قلتلو انت نظامك ايه في اللبس قالي البسي اللي انتي عايزاه وبعد الجواز قالي تلبسي اسود في اسود ولا بيخليني اطلع من البيت الا وامي معايا وامي دي ست كبيره مابتقدرش تطلع حتي المصاريف ابتاعت البيت لما بيبعتها لينا بيخلي اخته تدهالي في الشارع قدام الناس حاسه نفسي في سجن وحاسه نفسي عندي نقص دونا عن الناس حتي اصحابي حياتهم غير حياتي انا عمري ماكنت ببص علي الناس دلوقتي بقيت اغير من الناس بسبب النقص اللي عندي حتي لما اطلب منو طلب مابيرضاش يعملهولي انا عندي 22 سنه بس حاسه نفسي عندي 60 سنه من المشاكل والهموم اللي انا فيها انا بفكر اتطلق منو لاني ضاغطه علي نفسي جامد ومش ببطل تفكير دلوني اعمل ايه واتصرف ازاي