أوهمني بأنني سأسافر معه بعد الزواج ولكن هذا الذي حصل

دلونى بالله عليكم اعمل ايه تعبت من التفكير أنا متجوزة من انسان جميل ويعرف ربنا ومن اول مااتخطبنا كان اتفقنا انه حنتجوز ويسافر الكويت وياخدنى معاه ونعيش هناك نأمن مستقبلنا المهم اتجوزنا وسافر وسنة واتنين وانا بطلب منه انى اسافرله وهو رفض بحجة انه يجوز اخواته ويريحهم الاول وبعدين اسافرله وعيشت الحمد لله مع اهله وحافظت على ماماته واخواته وكانوا ليا اهلى اشوف طلباتهم وشغل البيت والحمد لله ربنا قدرنى وأكيد طبعا حافظت على عرضه وماله بالرغم من كل الظروف الى حواليا وطمع الرجالة ومحاولتهم فى التقرب منى والحمد لله ربتا قدرنى وصبرت معاه عشر سنين على هذا الوضع وخلاص اخواته اتجوزوا وارتاحت الامور وانا بلح عليه تسافر معاه او يجى تعبت من الغىبة وحرقة قلبى واطفالى الى زى اليتامى وكان رده انه خلاص الشغل حيستغنى عنه واصبرى سنتين تلاته اكون مستقبل لاولادى عشان هو مش عمل اى حاجة ليه كله كان لاهله وانا بجد تعبت جدا ووصلت مرحلة اكتئاب نفسى أعيش خياة طبيعة مع جوزى واولادى وكفايه عشر سنين بعد وغربة بحاول اقنعه انى اسافرله وانا مدرسة وليا فرصة شغل كويسة هناك وهو رافض دا نهائي محتارة اعمل ايه هل اوضع حد واخيره بين الانفصال او نعيش مع بعض ولا اصبر زى مابيقول سنتين تالته مع انى وصلت لاخرى وتعبت جدا