هل أذنبت عندما تزوجت من رجل متزوج ولديه أطفال؟

هل انا أذنبت؟ ممكن تفيدوني بقصتي مع هاد الانسان الي حبيتو و رضيت فيه وهو متزوج. حبيت شخص اتعرفت عليه عن طريق حبيب اختي الصغيره بقعده من القعدات بالكافيه. و اعجبت فيه وعرفت انه متزوج بس ضل بخاطري.. حس باعجابي فيه اتقرب مني يمكن كان بدو يتسلى. وانا رفضت عرض علي الخطوبه فورا لان مابيقدر يحكي بالحرام. وعطاني اسبوع افكر لاني رفضت بالبدايه. بس ما قدرت حبيته كتير و وافقت عالعرض و زاد حبي له. تعلقت فيه فوق الطبيعي وكان في مشروع زواج هو اكبر مني ب ٧ سنين خفت يكون بيلعب علي بديت احسه بيتهرب حاولت اوصل لزوجته واعلمها و عرفت مني. كرهني وتركني. بس ما قدرت اعيش بدونه. رجعنا لبعض بهدف انعجل بالارتباط. اهلي رفضو بالبدايه انهرت وزاد تعلقي فيه وانا بعرف انو بحبني و بريدني.. بعد اكثر من تقدم للخطبه وافق الوالد بس حط شرط مقدم ومؤخر عاليين. و وافق قدام اهلي بس بيني وبينه اتفاق على مبلغ اقل لان وضعه المادي ضعيف. لان عنده عيله وبدت اامشاكل بينا. بس ضليت احبه قعدنا ٣ سنين لين ما كتبنا الكتاب و كنت اتجاكر من زوجته ما اكرها بس هو بضل يغيظني فيها وانو بحبها كتير ومابقدر على فراقها لين ما اجاه ولد. انجنييييت المهم ضغط عليه اول زعل علي و صار الي صار بينا. قبل الزفاف اهلي حبوه كتير هو لسانه حلو بس ضليت اتمنى يفترق عن زوجته بسري وكل ما يتعاركو احس بفرح جوا قلبي بس ابنو بزعل عليه. بس زوجته مسكينه و طيبه و على نياتهااا صح كنت احط دوبي دوبها من اخبار اوصلها او صور احطها. المهم ما يتركني بحبوووو بعد ما اجاه الولد اتغير خفت عاطفتو اتجاهي و زادت المشاكل بينا بس ضلينا مع بعض وحامل منه. انا هلا اشعر بالذنب شوي اني عرفت واحد متزوج وانا بنت وبكر وما ينقصني شي واعمل بس عندي تشوه ب ايدي عاملي عائق بحياتي. بعد ما اتزوجنا زادت المشاكل بحسو مو مبسوط عندي يمكن لاني جديده لسا. بس كثير بحب ابنه وبخاف ما يحب ابني متل ما بحب ابنو و بحب زوجته كتير بس توصل مشاكلنا للانفصال بيتراجع اكيد لانه بحبني كتير بس هو مابيعرف شو بده. وظلمني معاه بيعملي مشكله على اي غلطه و بهيني و يسبني ويقسى علي وبيفضحني عند اهلي كأنه عدوته.. انا ندامه اني حبيته شو اسوي؟ حتى اول ما اتزوجني ما سوالي عرس لان والدي كان مريض استغل الظرف وقعد بس يومين معاي ورجع يبدأ يبات عند زوجته ويجيني يوم ويوم عندها. هو بحبني بصدق ولا لأ؟ هل فعلا الرجال بحب بعد الزواج هل انا حب حياته؟ وهل حيتركني بيوم؟ اهلو اتقبلوني و زوجته بطلت تسأل عن شي. بس هو اتغير بحسو بدو ينتقم مني