زوجي تقليدي ويرفض مواكبة التطور

مرحبا .. حابة استشيركم بامر هو مزعجني شوي انا مغتربة من 12 سنة ماعندي اولاد،، زوجي اطباعه تقليدية يعني غير قابل للتجديد او التغيير او الانفتاح، يعني مثلا موضوع الحركة و التنقل في بلد الاغتراب اللذي نحن فيه، هو دوامه بمنطقة بعيدة كتير عن الاماكن العامة اللي عادة يكون فيها اكتيفتيز وانشطة ومولات ونوادي رياضية وغيره و دوامة طويييل ، هو ما بمنعني اخرج لكن رافض تماما اني اتنقل بالتكاسي الخاصة مثل اوبر او كريم او التنقل بالتكسي العام و دايما يقولي اذا تطلعي مع صديقاتك زوجها يوصلكم و يجيبكم عادي اما تكسي لا خليكي بالبيت و حاليا بعد اوبر و كريم الكل اللي صار يعتمد عليها و ماحد من صديقاتي تعتمد على زوجها وازواجهم عادي مش لهالدرجة معقدين الامور بموضوع التكاسي،تناقشت معه بالموضوع قلت له لو اصير اتنقل لحالي بالتكسي رح اريحه هو و اصير انا اجيب اغراض البيت و هكذا ... الخ وانه شوف الدنيا تغيرت بطل زي اول لحلحها شوي عشان ترتاح و ارتاح انا لا تضلك خايف من التجارب الجديدة ... والخ... لكن ابدا رااافض الفكرة كلها قلت له انت لسا عايش بزمن زوجي يجيبني ويوديني اللي اعرفهم كلهم بيطلعوا بالتكسي الان الوضع تغير و ما يحتاج كل هالخوف قال لا انا هيك ، طيب يابن الحلال تعال نتحدث اقنعني واقعنك اعطيني اسبابك قال لا يعني لا مافيه امان ، طيب اتفق معك مافيه امان لكن هل كل الناس اللي تستخدم التكسي الخاص تعرضت للخطر؟ و صراحه انا ماسمعت عنه مشاكل منهم بالعكس الكل يمدحهم و الكل صار يعتمد عليهم و سهل عليهم حياتهم ، حاولت معاه لكن محاولاتي باءت بالفشل .. و عشان ما تقولولي اشغلي نفسك بشي تاني... انا عندي انشطة مثلا تعلمت لغه عن طريق النت واخدت دورات صوف و ديكوباج وعندي بزنس خاص من بيتي و عندي جارات نجتمع في الصباح و مشاركة بنادي القراءة على الفيسبوك وغيره كلها انشطة اعملها من البيت لكن لما اشوفهم يخرجوا ويروحوا ويجوا بحس نفسي اني لازم اشوف الحياة من زاوية مختلفه الواحد بيحب يجاري الحياة اللي تغيرت ، يروح المول، نادي رياضي، مقهى، مطاعم، ياخد دورات، يتعلم شي جديد ... الخ انا صرت اشوف الزمن بيجري و الناس مواكبة الحياة واحنا مكانك سر .. كثير يجيني تفكير بيني وبين نفسي بهاي الامور هل الموضوع بيستحق منه لهالدرجة الرفض ؟ هل لازم اصرف نظر عن الفكرة وخلاص ارضى بحياتي مثل ماهي؟ هل انا مضخمة الامر ؟ دلئما افكر ان الانسان مارح يتعلم و يصقل شخصيته و يكتسب مهارات جديدة اذا ما خاض تجارب خارج محيطة المعتاد وطلع و جرب شي جديد،،،