بعد موت ابني ب 4 ايّام طلقني ليعود لزوجته الاولى

اعيش وانا اشعر ان كل ما مررت بيه هو عقاب من الله تزوجت وانا بكر من رجل مطلق له بنتان من زوجته الاولي وهو مطلق منذ سنتين و رفضت طليقته واهلها ان يري بناته و رفعو عليه قضايا من اجل تربيته و تاديبه من وجهة نظرهم ، تقدم لخطبتي و احببته جدا وهو ايضا وتزوجنا ، بعد الزواج كان شخص متسلط لابعد الحدود كنت اشعر بالضيق لكن لم اتلفظ باي اساءه له علي الرغم من انه كان كثيرا ما يوبخني لكن كنت دائما التزم الصمت حتي حدثت مشكله بسيطه بيننا ضربني و شتمني بابي المتوفي وشتمني بامي و رمي يمين الطلاق ولم اشتمه و قولت له ساتصل باهلك حتي يرو افعالك و اشتكي اليهم قال لي اتصلي بيهم وهما هيجو يدوكي بالجزمه اضيقت جدا و نزلت عند امي وتركني ٤ ايام وانا اتصلت بيه و رجعت البيت واملي عليا شروطه ، غضبت مره اخري بعدها لانه كان معزوم عند والدتي و جهزت كل الاكل ومستنياه و كنت حاطه فيديو مضحك للشيخ مبروك عطيه علي الحموات وخدمتهم لكن اقسم بالله لا اقصد حماتي لان لم يطلب مني احد خدمتها ابدا ، علق علي البوست و قالي امي تحترميها وجزمتها فوق دماغك ومحدش طلب منك حاجه واخته كمان ، كنت حامل وقتها اتصل قالي انا مروح البيت ومش جاي ابقي تعالي صرخت فيه قولتله خلاص مش عاوزاك طلقني كنت مضغوطه منه جدا واول مره اقوله كده ، وكلمت عمامي واهلي علشان يشوفو معاه حل كان دايما يمد ايده و يمسكني من رقبتي و يزقني ويهني بدون اسباب تقريبا ولكن كنت احس انه بيعودني مقولش راي في اي شي ، تركني عند امي ٢٠ يوم كنت بيكي كتير كان بيوحشني وفي نفس الوقت زعلانه و بعدها جيه وكدبني قدام اهلي في كل شي ويحلف بالله كدب رغم انه المفروض متدين وامام مسجد ، رجعت بيتي بعدها حصلي اجهاض بسببه لانه كنا خارجين ورفض يركبني مواصله ومشينا حوالي ساعه. وانا في الشهر التالت وكنت اقوله تعبانه يقولي بطلي دلع استحملت علشان ما يحصلش خلاف وروحت البيت لقيت نزيف و تعبت جدا حوالي شهر اخد حقن تثبيت بعدها قالو اليبي متوفي اخدت حبوب تنزله وعملت عمليه تعبت جدا جدا ، وعلي الرغم من ذلك سامحته ، مع العلم كنت كمان بصرف معاه ع البيت تقريبا ٣ ارباع مصاريف البيت مني حتي اذا خرجنا ادفع معاه نتفسح ادفع اي شي ادفع وعادي اقول زوجي واساعده ، بعدها اتحكم له يشوف اولاده في قضيه رؤيه واصبح بسافر محافظه تانيه يشوفهم وابو طليقته قاله كفايه بقي رجع مراتك وعيالك هو رفض وقالي و فضل فتره مضغوط ويفكر و بعمل معايا مشاكل قولتله خلاص طلقني لو عاوز انا حاسه انك عاوز ترجع ولميت هدومي هو رفض وقالي لا انا مضغوط وبعدها بشهر كنت حامل تاني ، وحصل ان كنا راكبين عربيه بالظلام وقابلنا مطب عالي جدا والمطب تعبني وضهري وجعني وانا لسه بالشهر الثاني تاني يوم روحت عند امي وذهبت للدكتوره قالت استريحي علي ضهرك لحد التالت طلبت منه ابات يوم فقط عند امي راحه عشان ما يحصل اجهاض مره تانيه عمل مشكله كبيره اوي وقالي انا هاجي اطلقك قولتله براحتك كل شويه تهديد بالطلاق انا بحافظ علي جنيني المره الي فاتت مشيت وراك سقطت و فضل سايبني عند امي شهر ونص وكان يتصل يطمن عليا ويقولي انا هتجوز ويحرق دمي في الحمل واعيط كنت بعيط كتير اوي ، كنت بقوله ليه تعمل كده ده انت مش خايف عليا ليه يقولي انتي قليلة الادب ومبتسمعيش الكلام ، بعد الشهر ونص كلمني قعد يصالحني ويقولي البيت وحش من غيرك ارجعي رجعت فعلا واتحسن اسلوبه معايا كتير كام شهر ومره ضربني في الشارع بالقلم ومره علشان امه عامله معايا مشاكل ضربني بالقلم وعورني في ايدي وكنت بسامحه ومره اغضب لحد لما وصلت للشهر التامن وكنا اخر يوم رمضان واتخانقنا واعترف كنت غلطانه هذه المره وفضلنا اسبوع مانتكلمش بعدها اتصالحنا ونزلنا اشترينا هدوم البيبي وكنت فرحانه بيها اوي اتفرج عليها كل شويه وابوسها بعدها و اخذت دوا بالغلط كان غلط علي الحمل وانا معرفش و توقف وصول الغذا لابني اتولد ابني بالتامن جراحه قيصريه كان مولود بعيب خلقي في الجهاز البولي محتاج عمليه و كان عنده خصيه معلقه دخل الحضانه اتوفي بعد ٤ ايام انهارت كنت بموت بيدوني مهدئات عشان العمليه و لا اكل ولا اشرب كنت اقوله بس خليك جمبي كنت ببكي ٢٤ ساعه وهو كمان زعل بعد ٤ ايام بظبط من موت ابني قرر يطلقني قعدنا نتناقش اقوله ليه كده وليه وانا في حالتي دي وايه يريحك انا اعمله رفض تماما وطلقني كده بدون مشكله يعني اليوم الي قبلها كان معايا عند الدكتوره و ببكي وبيسندني وانا ماشيه علشان العملية وتاني يوم اخد قرار الطلاق وقبل ما يطلقني رجع لزوجته الاولي قال كانت افضل منك انتي مقصره في البيت قولتله انا كنت حامل وتعبانه جدا جدا وانت عارف المعاناه وكنت مقدرش اكل ولا اشرب ودايما تعبانه غصب عني ربنا يشهد وكان علي طول يتخانق معايا بسبب كده انا اتدمرت نفسيا كنت هتجنن بقالي ٦ شهور هموت علي ابني من شده الي حصل كل شي اتغير فيا حسيت بالغدر بقيت اقول هو انا استاهل كده هو انا ربنا بيعاقبني علشان كنت ساعات بسيب البيت وامشي لما يضايقني او يهنني هو انا كنت غلطانه اه انا غلطت اخر مشكله لكن هو ياما غلط وسامحته ده غير انه اتصالحنا وجبنا ملابس ابني و كان بعد الولاده يجي ياخد رضعات مني لابني ويطمني عليه انا هموت علي ابني واعصابي تعبانه ارجوكم حد يقولي انا غلطانه لما بقت اخد معاه موقف علشان ميضربنيش واسفه اوي للاطاله