اصبحت عنيفة مع الجميع بسبب قسوة زوجي علي

السلام عليكم.. انا بنت عمري ٢٢ سنه متزوجه تقريبا من سنتين لدي طفل .. انا تعبت من المشاكل زوجي بارد ولا يهتم فيني ولا عمره مر اسبوع بدون مشاكل بالبدايه كان يخوني واكتشفت وزعلت ووعدني م يعيدها ورضيت وبعدها عشان السوق م يبغى يصرف علي واني مبذره وانا والله م بذرت بشي وبعدها حملت وجاني تسمم حمل وداني المشفى وتركني وراح لامه وشكى مني اني مريضه وانه م يقدر يتحملني ودق علي قال انا مشغول كلمي اهلك يجون معك بعدها خرجت من المستشفى وعلمتني امه بكل شي وجعني كثير كثير كنت احتاجه بوقت مرضي ورماني لاهلي وبعدها اخواته تكلموا علي بسمعتي وقذفوني ولا تكلم ولا قال شي بالعكس وقف معهم امه تكلمت علي وقالت انتي قليلة ادب عشان بناتها م ادري وش راحوا يقولولها عني وطبعا احس السبب الرئيسي بذي كلها زوجي فتح لهم باب علي ولليوم مشاكله بالصرفيه م يصرف ولا يبغى يصرف ويقول فلوسي بكيفي م ابغى اعطيك منها احس م همني الصرف باقي موجوعه من كل شي كسرني فيه كنت احسبه بيكون لي سند زوج يحميني من كل شي حتى كلام الناس غيرني صرت انسانه اخاف ع نفسي واهاجم واصارخ شخصيتي صارت عنيفه..طولت عليكم ساعدوني كيف انسى واعيش معها من جديد وانا قلبي مو مليان عليه...