يضربني بشكل هستيري فهل زوجي مريض نفسي؟

انا متزوجة من اربع سنوات و زوجي من اول شهر زواج وهو يضربني و يسبني سب بشع علي اتفه الاسباب مثل لو اتاخرت عليه بكوبايه الشاي او لو بنتي فاقت نص الليل وانزعج اثناء نومه يتحول لانسان شديدة العصبية وعنيف جدا بضربه . بمعني بيحصلي نزيف او اغماء او كدمات من الضرب و كل مشكلة يقولي امشي مش عاوزك وهطلقك وكذا مرة حاول يطردني وإحنا ف غربة ومبرضاش. دخلت اهله اكتر من مرة ولكن للاسف محدش بيقدر عليه ودخلت اهلي مفيش فايدة برضو و جربت ازعل منه بس لو قعدت بالشهر مكلموش ولا فارق معاه بيسهر برة لنص الليل ومقضيها العادة السرية مع نفسه و بضطر اصالحه كل مرة لاني بزهق م الغربة والوحدة. غير رفضه التام ان يكون معايا اي مصروف او فلوس . يقولي خلي اهلك يعطوكي . وتقريبا ما يفوت يوم الا ويكون يسب ف امي وابي ويسب ف شرفهم وبدا يتحول لانسان شكاك . مرة رقم غريب رن عليا يقولي افتحي الاسبيكر وطلع الرقم غلط اتخانق بعدها يقولي الرجالة بتتصل عليكي ليه وياخد يفتش بالموبايل. انا حاسة انه مش طبيعي خل هو مريض نفسي ؟؟ مع العلم ان ابوه كان دائم الضرب والسب لامه وكان شديد الضرب ليه ولاخواته