كيف اتعامل مع الرجل قليل الاهتمام؟

كيف اتعامل مع الرجل قليل الاهتمام؟انا افكر بالطلاق من زوجي وانا حامل هل تنصحون اصبر أو ابتعد عنده زوجي لما يروح معاي المواعيد يتصرف كأنه واحد مستهتر كأنه مراهق يجلس يشتم ف الناس اللي يتأخرون عند الدكتوره وبصوت عالي وكل ما اسكته يقول لاتسكتيني هاي كلام صراحه ينقال والكل يطالع فينا انه هذا ليش يسب وهو عيب شخص يسب ف عالم مالهم ذنب و لما يطلع يقول عنده شغل وهو ماعنده شي

يروح مع أصدقائه و يجي يوم ثاني وحالته مأساه وبدأ يلبس حلق اذن و سلاسل و يوم كلمته يقول مالك دخل هاي حياتي كأني مو زوجته وحياته كله أسرار عادي يوم يجي فرحان بدون سبب ويوم حزين ويوم ضارب له أحد محد يدري ليش وشنو السبب تغير مليون درجه كأنه واحد ثاني ماكان كذا قبل ما احمل بس يوم مر على حملي كم شهر تغير صار واحد غريب حتى كلمه حلوه كلام غزل مايقول لي شي ويوم ما اسكت عنه أو اعاتبه يقول مامنج فايده ولا تهتمين وانا عمدا اعامله مثل اسلوبه ابيه يحس وهو يلومني ولا يطلعني مكان ولا يجيب لي هدايا ولا شي انا والطوف واحد بس انا لازم اجيب له وادلعه

ومايحب يروح مجمعات ولا مكان فيه ناس بس بعدين اكشفه في تلفونه مصور نفسه وهو في مجمعات و أماكن عامه ويروح كل مكان يقول لي ما احب اروحه مليت من قله اهتمامه لي وقله احترامه حاسه ما اقدر اصبر معاه انتو شنو تقولون اصبر ولا ابتعد عنه نفسيتي جدا تعبت